“මට ඔබ සියලුදෙනාවම බොහෝ සේ මතක් වේවි” - මේසිගෙන් සංවේදී සමුගැනීමක්

ආර්ජන්ටිනාව වෙනුවෙන් සිය අවසන් ජාත්‍යන්තර පාපන්දු තරගයට ක්‍රීඩා කළ සුපිරි ක්‍රීඩක ලයනල් මේසි , බෙනින් කණ්ඩායමට එරෙහිව ගෝල 3-0ක ජයක් ලබාගැනීමෙන් අනතුරුව ජාත්‍යන්තර පාපන්දු පිටියෙන් සමුගත්තේය.

තරගය අවසානයේදී හැඟීම්බර කතාවක් සිදු කළ 39 හැවිරිදි මැසි, ආර්ජන්ටිනාවේ අනාගත ක්‍රීඩකයන්ට සහ ක්‍රීඩා ලෝලීන්ට විශේෂ පණිවුඩයක් ලබාදී තිබේ.

මේසි පෙන්වා දී ඇත්තේ ආර්ජන්ටිනා ජාතික කණ්ඩායම ජයග්‍රහණය කරනු දැකීමට අකමැති පිරිසක් සිටින බවත්, එවැනි අභියෝග ජයගැනීමට කණ්ඩායමක් ලෙස එක්ව සිටීම අත්‍යවශ්‍ය බවත්ය. “අපි එකට සිටින විට ඕනෑම කෙනෙකුට වඩා අපි ශක්තිමත්. ඕනෑම දෙයක් ජයගන්න අපට හැකියි.

ඉහළම ඉලක්ක සපුරා ගැනීමට නම් අපි එකට සිටිය යුතුයි. මේ ජාතික කණ්ඩායම ජයග්‍රහණය කරනවා දැකීමට අකමැති අය සිටිනවා.

ඒ නිසා ඔවුන්ට එරෙහිව අපි එක්විය යුතුයි,” යනුවෙන් මැසි පවසා තිබේ. ඔහු සඳහන් කර ඇත්තේ ජාතික කණ්ඩායමක් ලෙස ශක්තිමත් කණ්ඩායම් හැඟීමක් නොමැති නම් විශාල ජයග්‍රහණ ලබාගැනීම ඉතා අපහසු බවයි.

මේසි සිය සමුගැනීමේ කතාවේදී ආර්ජන්ටිනා ක්‍රීඩා ලෝලීන්ට ස්තූතිය පළ කරමින් පවසා ඇත්තේ තම ජාත්‍යන්තර ක්‍රිකට් දිවිය පුරා තමන්ට ලැබුණු ආදරය කිසිදා අමතක නොකරන බවයි. “මම මෙතැනින් යන්න කැමති නැහැ. ඔබ සියලුදෙනාවම මට මතක් වේවි. මම ආර්ජන්ටිනා ජාතිකයෙකු වීම ගැන දෙවියන්ට ස්තූතිවන්ත වෙනවා. ඔබ සියලුදෙනා සමඟ මගේ සිහිනය සැබෑ කරගැනීමට හැකිවීම ගැන මම ආඩම්බර වෙනවා,” යනුවෙන් ඔහු සඳහන් කර තිබේ.

ස්මෘති මන්දනා සහ හර්මන්ප්‍රීත් අතර මත ගැටුමක්ද? - ඉන්දීය කණ්ඩායමේ බෙදීමක් ගැන වාර්තාවක්

මේසි පවසා ඇත්තේ ජාතික කණ්ඩායමේ වර්ණ තමන්ට දැඩි ලෙස මතක් වනු ඇති බවත්, ඉදිරියේදී කණ්ඩායම නියෝජනය කරන තරුණ ක්‍රීඩකයන්ට සහාය දෙමින් තමන් ඔවුන් සමඟ සිටින බවත්ය. ඔහුගේ අවසන් තරගයේදී බෙනින්ට එරෙහිව ගෝලයක් වාර්තා කිරීමට අමතරව ගෝල දෙකක් සඳහා සහාය ලබාදීමටද මැසි සමත් විය.

ආර්ජන්ටිනාව වෙනුවෙන් ලෝක කුසලානය, කෝපා ඇමරිකා කුසලානය සහ ෆයිනලිසිමා ඇතුළු ප්‍රධාන ජයග්‍රහණ රැසක් හිමිකරගත් මැසි, ජාත්‍යන්තර පාපන්දු පිටියෙන් සමුගන්නේ සිය ප්‍රධාන සිහින සම්පූර්ණ කරගත් ක්‍රීඩකයෙකු ලෙසය.

කෙසේ වෙතත්, ඔහුගේ සමුගැනීමේ කතාවේදී අවධානයට ලක්වූ කරුණක් වූයේ පසුගිය ලෝක කුසලාන තරගාවලිය පිළිබඳ ඔහු කළ සඳහයි. එහිදී මැසි පවසා ඇත්තේ එම ලෝක කුසලානයේදී තමන් ඇතුළු කණ්ඩායම දැඩි මානසික හා ශාරීරික පීඩනයකට මුහුණදුන් බවත්, තරගාවලියෙන් පසුව විවිධ න්‍යායන් සහ කතාබහ මතුවූ බවත්ය.

කෙසේ වෙතත්, තමන් සහ කණ්ඩායමේ සෙසු ක්‍රීඩකයන් සෑම අවස්ථාවකදීම උපරිමයෙන් ක්‍රීඩා කළ බව මැසි අවධාරණය කර තිබේ. “මගේ ජීවිතයේ සහ මගේ වෘත්තීය දිවියේ මෙය නැවතත් ඉතාමත් දුක්බර දිනයක් වේවි. මට ඔබ සියලුදෙනාවම බොහෝ සේ මතක් වේවි,” යනුවෙන් මේසි සිය සමුගැනීමේ කතාව අවසන් කර තිබේ.

ඉන්දීය කාන්තා ක්‍රිකට් පිටියේ වෙනසක් - හර්මන්ප්‍රීත් කෞර් නායකත්වයෙන් ඉවත් වෙයි