අධ්‍යාපන අමාත්‍යාංශය ව්‍යාජ ප්‍රතිසංස්කරණ කෙටුම්පත සම්බන්ධයෙන් නීතිමය පියවර

අධ්‍යාපන අමාත්‍යාංශය පවසන්නේ, යෝජිත ජාතික අධ්‍යාපන ප්‍රතිසංස්කරණ යෝජනාවක් ලෙස සමාජ මාධ්‍යවල සංසරණය වන ව්‍යාජ ලේඛනයක් සම්බන්ධයෙන් නීතිමය පියවර ගන්නා බවයි.

2026 අධ්‍යාපන ප්‍රතිසංස්කරණ යෝජනාවක් ලෙස බෙදා හරින බව පැවසෙන කෙටුම්පත් ලේඛනය අමාත්‍යාංශය හෝ එයට අනුබද්ධ ආයතන විසින් නිකුත් කර හෝ අනුමත කර නොමැති බව අධ්‍යාපන අමාත්‍යාංශයේ ලේකම් නාලක කළුවැව මහතා සඳහන් කළේය.

01 හා 06 ශ්‍රේණිවල විෂයමාලා ප්‍රතිසංස්කරණ එක්කම පාසල් පවත්වන වෙලාවලුත් වෙනස් වේ

පෙරපාසල් විෂයමාලාව ගැන අධ්‍යාපන අමාත්‍යාංශයෙන් නිවැරදි කිරීමක්

එම ව්‍යාජ ලේඛනය සකස් කිරීමට සහ ව්‍යාප්ත කිරීමට වගකිව යුතු පුද්ගලයින් හඳුනා ගැනීමට පියවර ගනිමින් සිටින බවත්, ඒ සම්බන්ධයෙන් ඉක්මනින් නීතිමය ක්‍රියාමාර්ග ආරම්භ කරන බවත් ඔහු වැඩිදුරටත් පැවසීය.