ඇමති කුමාර ජයකොඩි කොළඹ මහාධිකරණයට

බලශක්ති අමාත්‍ය කුමාර ජයකොඩි මහතා කොළඹ මහාධිකරණය වෙත පැමිණ තිබේ. නඩු කටයුත්තක් සඳහා අමාත්‍යවරයා අධිකරණයට පැමිණ ඇති බව වාර්තා වේ.

2015 වසරේ ලංකා පොහොර සමාගමේ සේවය කරමින් සිටියදී, පොෟද්ගලික සමාගමක් වෙත නීතිවිරෝධී ලෙස ලාභයක් හෝ වාසියක් සිදුකිරීමෙන් අල්ලස් පනතේ දූෂණය නැමැති වරද සිදු කිරීමේ චෝදනාව සම්බන්ධයෙන් අල්ලස් හෝ දුෂණ චෝදනා විමර්ශන කොමිෂන් සභාව වත්මන් බලශක්ති අමාත්‍ය කුමාර ජයකොඩි මහතාට එරෙහිව කොළඹ මහාධිකරණය හමුවේ අධිචෝදනා ගොනුකර තිබුණි.

යුද්ධයෙන් ලාභ ලබන රුසියාව – දිනකට කෝටි 23,800ක තෙල් ආදායමක්

එවක ලංකා පොහොර සමාගමේ ප්‍රසම්පාදන සහ ආනයන අංශයේ කළමනාකරු ලෙස ඔහු සේවය කර ඇති අතර එහිදී ලංකා පොහොර සමාගමේ හුණුපිටිය ගබඩා සංකීර්ණයේ භූමිය මත කාපට් ඇතිරීම සඳහා සිදුකළ ප්‍රසම්පාදන ක්‍රියාවලියක පැවති දෝෂ සහගත තත්ත්වයක් මෙම චෝදනාවට හේතුවී තිබේ. ඒ සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාවට ලද පැමිණිල්ලකට අනුව එම කොමිෂන් සභාව සිදුකළ මූලික විමර්ශනයක් අවසානයේ සැකකරුට එරෙහිව අධිචෝදනා ගොනුකිරීමට තීරණය කර තිබුණි.

WhatsApp භාවිත කරන ඔයාට මෙන්න අලුත් සුබ පණිවිඩයක් - තවත් විශේෂාංග රැසක්