කොරියානු භාෂා විභාගය ගැන විශේෂ දැනුම්දීමක්!

2025 දකුණු කොරියානු භාෂා ප්‍රවීණතා විභාගය (TOPIK) සඳහා අයදුම්කරුවන් ලියාපදිංචිය තවමත් ආරම්භ කර නැති බව ශ්‍රී ලංකා විදේශ සේවා නියුක්ති කාර්යාංශය පවසයි. ඒ නිසා, මේ දිනවල සමාජ මාධ්‍ය සහ අන්තර්ජාලය ඔස්සේ ප්‍රචාරය වන, අදාළ විභාගයට ලියාපදිංචි කිරීම් ආරම්භ කර ඇති බවට දැන්වීම් ව්‍යාජ බව ඔවුන් අවධාරණය කරයි.

මේ බව ශ්‍රී ලංකා විදේශ සේවා නියුක්ති කාර්යාංශයේ අතිරේක සාමාන්‍යාධිකාරි (ජාත්‍යන්තර කටයුතු) සෙනරත් යාපා මහතා ප්‍රකාශ කළේය.

රනිල්ගේ නිවසට ගිනි තිබ්බේ නියෝජ්‍ය ඇමති එරංගද?

“EPS වැඩසටහන යටතේ දකුණු කොරියාවේ රැකියා සඳහා යොමු වීමට භාෂා ප්‍රවීණතා විභාගය මූලික අවශ්‍යතාවක්. ඒක තමයි TOPIK විභාගය. මෙම විභාගය කාර්යාංශය විසින් කොරියානු මානව සම්පත් සංවර්ධන ආයතනයේ (HRD) අනුමැතිය ඇතිව වරින් වර ප්‍රකාශයට පත් කරනවා. නමුත් මේ දිනවල, විශේෂයෙන් ඊයේ (02) සමාජ මාධ්‍යවල ගලා යන දැන්වීම ව්‍යාජයි. මෙම ව්‍යාජ දැන්වීම කාර්යාංශයෙන් නිකුත් කළා යැයි හැඟවෙන ආකාරයට සකසා තිබෙනවා.

එහි සඳහන් වෙන්නේ EPS TOPIK විභාගය සඳහා අප්‍රේල් 3 සිට 6 දක්වා අයදුම්පත් කැඳවන බවයි. මේක කාර්යාංශයේ නිල දැන්වීමකට සමාන විදිහට සකසපු ව්‍යාජ දැන්වීමක්. නමුත් ශ්‍රී ලංකා විදේශ සේවා නියුක්ති කාර්යාංශය මේ වන විට එවැනි අයදුම්පත් කැඳවීමක් සිදු කරලා නැහැ.

"අපේ තාත්තාට බැණ බැණ හයිවේ යන වත්මන් ජනාධිපති" - නාමල්ට ඒක දැක්කම හිනත් යනවලු!

ඒ වගේම, කොරියානු මානව සම්පත් සංවර්ධන ආයතනයෙන් තවමත් මේ ගැන කාර්යාංශයට කිසිම දැනුම්දීමක් කරලා නැහැ. ඒ නිසා, දකුණු කොරියානු රැකියා විභාගය බලාපොරොත්තුවෙන් ඉන්න ඔබට කියන්නේ, අද (02) සංසරණය වන මේ දැන්වීම ව්‍යාජ බවත්, ඒක කාර්යාංශයේ දැනුමකින් තොරව නිකුත් කළ එකක් බවත්. මෙහි කාර්යාංශයේ ගිණුමත් සඳහන් කරලා තියෙනවා.

ඒකෙන් පේන්නේ, යම් කණ්ඩායමක් ඉතා සංවිධානාත්මකව අයදුම්කරුවන් නොමඟ යැවීමට මේක සකස් කරලා තියෙනවා කියලා. ඒ නිසා මේකට හසු නොවෙන්න, කිසිවෙකුට මුදල් ගෙවන්න එපා කියලා ඉල්ලනවා. නිවැරදි තොරතුරු දැනගන්න ශ්‍රී ලංකා විදේශ සේවා නියුක්ති කාර්යාංශයේ නිල වෙබ් අඩවිය පරීක්ෂා කරන්න.”