කාශ්මීරයේ බංග්ලාදේශ ජාතිකයන් 600ක් හඳුනාගනී - 150ක් පිටුවහල් කළ මෙහෙයුම මෙන්න

ඉන්දියාවේ ජම්මු සහ කාශ්මීර ප්‍රදේශයේ නීතිවිරෝධීව රැඳී සිටින බවට සැක කෙරෙන බංග්ලාදේශ ජාතිකයන් 600 දෙනෙකු පමණ හඳුනාගෙන ඇති අතර, ඉන් 150 දෙනෙකු පිටුවහල් කිරීමේ ක්‍රියාවලියේ කොටසක් ලෙස බටහිර බෙංගාලයට රැගෙන ගොස් තිබේ.

ඉන්දීය පුවත් සේවයක් වන PTI වාර්තා කළ පරිදි, එම පිරිස සඳුදා (05) ඉන්දීය ගුවන් හමුදාවට අයත් විශේෂ ගුවන් යානයකින් බග්ඩෝග්‍රා වෙත රැගෙන ගොස් ඇත. එහිදී ඔවුන් දේශසීමා ආරක්ෂක බලකායේ (BSF) නිලධාරීන්ට භාර දී තිබේ.

කාශ්මීර නිම්නය පුරා පරිපාලන බලධාරීන් සහ ජම්මු හා කාශ්මීර පොලීසිය එක්ව සිදුකළ සමීක්ෂණයකදී මෙම බංග්ලාදේශ ජාතිකයන් හඳුනාගෙන ඇති බව නිලධාරීහු සඳහන් කරති. පිටුවහල් කිරීමේ ක්‍රියාවලියට අදාළව, ශ්‍රීනගර් පොලීසියේ අධීක්ෂණය යටතේ පවත්වාගෙන යන කඳවුරක මෙම පිරිස රඳවා සිට ඇති බව ද වාර්තාවේ සඳහන් වේ.

ප්‍රකට බ්‍රිතාන්‍ය නවකතාකරු සහ හිටපු මන්ත්‍රී ජෙෆ්රි ආචර් අභාවප්‍රාප්ත වෙයි

තවත් බංග්ලාදේශ ජාතිකයන් 150 දෙනෙකු ඔක්තෝබර් 7 වැනිදා පිටුවහල් කිරීමට නියමිත බව පොලීසිය ප්‍රකාශ කර තිබේ.

දේශසීමා ආසන්න ප්‍රදේශවල නීතිවිරෝධී සංක්‍රමණිකයන් හඳුනාගැනීම සඳහා ඉන්දීය මධ්‍යම ස්වදේශ කටයුතු අමාත්‍යාංශය විසින් ඉහළ පෙළේ කමිටුවක් පිහිටුවීමෙන් පසුව මෙම ක්‍රියාමාර්ග ගෙන ඇත.

ජම්මු හා කාශ්මීර් පරිපාලනය විසින් එම කමිටුවට දැනුම් දී ඇත්තේ, එම ප්‍රදේශයේ විවිධ දිස්ත්‍රික්කවල බංග්ලාදේශ ජාතිකයන් 600ක් පමණ හඳුනාගෙන ඇති බවයි.

නීතිවිරෝධී සංක්‍රමණ සහ වෙනත් හේතු හේතුවෙන් ඉන්දියාවේ ජනගහන රටාවන්හි සිදුවන වෙනස්කම් අධ්‍යයනය කිරීම සඳහා ඉන්දීය ස්වදේශ කටයුතු අමාත්‍යාංශය මැයි 26 වැනිදා මෙම ඉහළ පෙළේ කමිටුව පිහිටුවා තිබේ.

විශ්‍රාමික විනිසුරු ප්‍රකාශ් ප්‍රභාකර් නව්ලේකර්ගේ ප්‍රධානත්වයෙන් යුත් එම කමිටුවට, ජනගහන වෙනස්කම්වලට හේතු අධ්‍යයනය කර ඒවාට අදාළ ප්‍රතිපත්තිමය, නීතිමය සහ පරිපාලනමය නිර්දේශ ඉදිරිපත් කිරීමේ වගකීම පැවරී ඇත. කමිටුව වසරක් ඇතුළත සිය වාර්තාව ඉදිරිපත් කළ යුතුය.

“මිනිසුන් පීඩාවට පත්වෙලා” - ගාන්ධිගේ සාමයේ මූලධර්ම අනුගමනය කරන්නැයි එක්සත් ජාතීන්ගේ මහලේකම් ඇන්ටෝනියෝ ගුටරෙස්ගෙන් ඉල්ලීමක්