ඉරානය පාලනයට තාවකාලික රාජ්‍යය මණ්ඩලයක් පත්වෙයි

ඉරානයේ උත්තරීතර නායක අයතුල්ලා අලි කමේනිගේ මරණයෙන් පසු රටේ උග්‍ර යුධ තත්ත්වය හා ආරක්ෂක අර්බුදය හමුවේ පාලන තන්ත්‍රය අස්ථාවර වීම වැළැක්වීම සඳහා තාවකාලික පාලක මණ්ඩලයක් පත් කර ඇති බව ඉරාන රජය නිල වශයෙන් නිවේදනය කර තිබේ.

මෙම තුන්දෙනාගෙන් යුත් මණ්ඩලය තුළ වත්මන් ජනාධිපති මසූඩ් පෙසෙෂ්කියන්, අධිකරණ ප්‍රධානී ගොලාම්හොසේන් මොහ්සෙනි-ඊජේයි සහ ආරක්ෂක මණ්ඩලයේ නීතිඥයෙකු ඇතුළත් වේ.

උත්තරීතර නායකයා සතුව පැවති සියලුම රාජ්‍ය වගකීම්, යුධ මෙහෙයුම්, විදේශ ප්‍රතිපත්ති හා අභ්‍යන්තර ආරක්ෂාව පිළිබඳ තීරණ ගැනීමේ බලය මෙම මණ්ඩලයට තාවකාලිකව මාරු වී ඇති අතර, විශේෂඥයන්ගේ සභාව විසින් නව උත්තරීතර නායකයෙකු තෝරා පත් කරන තුරු මෙම බලතල ක්‍රියාත්මක වනු ඇත.

මෙය ඉරාන ඉතිහාසයේ දෙවැනි වරට සිදුවන උත්තරීතර නායකත්ව සංක්‍රමණය වන අතර, එක්සත් ජනපදය හා ඊශ්‍රායල් ඒකාබද්ධ ප්‍රහාරයකින් කමේනි මරණයට පත්වීමෙන් පසු රටේ බලවත්ම තනතුරට බලපෑම් ඇති වී ඇති බවට වාර්තා වේ.

ඉරානයේ අවසානය ආවා- රේසා පහ්ලවි ට්‍රම්ප්ට ස්තූති කරයි

ඉරාකයේ එර්බිල් ගුවන්තොටුපළට ප්‍රහාරයක්