ඝාතනයට පළිගන්න ඊශ්‍රායලයට ප්‍රහාර එල්ල කරන්නයි දැඩි නියෝගයක්..!
Sewvandhi
ඉරාන අධ්‍යාත්මික නායක අයතුල්ලා අල් කමේනි ,ඉරානයේ දී සිදුවූ හමාස් නායක ඉස්මයිල් හනියේගේ ඝාතනයට ප්‍රතිචාර වශයෙන් ඊශ්‍රායලයට ප්‍රතිප්‍රහාර එල්ල කරන ලෙසට නියෝග කර තිබේ.
ඉස්මයිල් හනියේගේ ඝාතනය දැඩිව විවේචනය කරන ඉරාන අධ්‍යාත්මික නායකයා හදිසියේ රැස්වූ ඉරාන අධ්‍යාත්මික ජාතික ආරක්ෂණ කවුන්සිලය මෙම නියෝගය ලබා දී තිබුණි.
අධ්‍යාත්මික නායකයාගේ මතය වන්නේ,ඉස්මයිල් හනියේගේ ඝාතනය සම්බන්ධයෙන් යුක්තිය ඉටුකිරීම තමන්ගේ වගකීම වන බවයි.
හමාස් සංවිධානය පවසන්නේ, මෙවන් පසුබිමක සිය නායකයාගේ ඝාතනය මැද පෙරදිග යුද ගැටුම් වෙනත් දිශානතියකට යොමු කරනු ඇති බවයි.
හනියේ ඝාතන සැලසුම පිළිබඳව තමන් දැනුවත්ව නොසිටි බව පවසන අමෙරිකාව අවධාරණය කරන්නේ ඊශ්‍රායල - හමාස් යුද ගැටුම් සම්බන්ධයෙන් වහාම සටන් විරාමයක් අත්‍යවශ්‍ය බවය.
ඊශ්‍රායලය තමන්ට එල්ල වන චෝදනා පිළිබඳව මෙතෙක් කිසිදු ප්‍රතිචාරයක් දක්වා නැතත් විදෙස් රටවලදී සිය සතුරන් ඝාතනය කිරීම සම්බන්ධයෙන් කුප්‍රකට ඉතිහාසයක් ඊශ්‍රායලයට පවතී.
