මාස හතකට පසු නිදහස ලැබූ උතුරේ ධීවරයින්..
Piyumika
ඉන්දීය මුහුදු සීමාව ආක්‍රමණය කිරීමේ චෝදනාව මත ඉන්දීය නාවික හමුදාව විසින් අත්අඩංගුවට ගෙන බන්ධනාගාර ගත කොට සිටි උතුරේ ධීවරයින් හය දෙනෙකු ඊයේ නිදහස් කෙරුණි .
අධිකරණ නියෝග මතය එම පිරිස මාස හතක කාලයක් ඉන්දියාවේ බන්ධනාගාරවල රදවා සිටියේය .
යාපනයේ ස්ථාන දෙකකින් මුහුදු ගිය මෙම ධීවරයින් හය දෙනාගේ බෝට්ටු දෙක අයහපත් කාලගුණික තත්ත්වයක් මත ඉන්දියාවේ රාමේස්වරන් මුහුද දෙසට පාවී යමින් තිබියදී ඉන්දීය නාවික හමුදාව හා වෙරළාරක්ෂක නිලධාරීන් විසින් අත් අඩංගුවට ගෙන රාමේස්වරන් පොලීසිය වෙත බාර දී තිබුණි.
ඔවුන් සම්බන්ධයෙන් පැවති නඩු විභගයේදී පූර්ණ පරීක්ෂණයක් පැවැත්වෙන තුරු බන්ධනාගාරගත කිරීමට රාමේස්වරන් අධිකරණය නියෝග කර තිබුණි .
පසුව උතුරේ ධීවර සංගම් හා තවත් සංවිධාන කිහිපයක් යාපනයේ පිහිටි ඉන්දීය නියෝජ්‍ය මහ කොමසාරිස් කාර්යාලය හරහා ඉන්දීය රජයට කරුණු ඉදිරිපත් කිරීමේ ප්‍රතිඵලයක් වශයෙන් ඔවුන්ව නිදහස් කර ගැනීමට හැකි විය .
