ආයෙත් යුද්ධයක්ද? ඉන්දියාව පාකිස්ථානය ආයෙත් ගැටෙයි

එක්සත් ජාතීන්ගේ ආරක්ෂක කවුන්සිලයේදී ඉන්දියාව පාකිස්ථානයට දැඩි වාග් ප්‍රහාරයක් එල්ල කර තිබේ. එහිදී ඉන්දියාව පවසා ඇත්තේ පාකිස්ථානය යනු ජන සංහාරක ක්‍රියාවන් පිළිබඳ දීර්ඝ කාලීන කැළැල් සහිත ඉතිහාසයක් පවතින රටක් බවයි.

පාස්කිථානය විසින් ඇෆ්ගනිස්ථානය තුළ සිදු කරන ලද දේශසීමා හරහා එල්ල වූ ප්‍රචණ්ඩත්වයෙන් සිවිල් වැසියන් 750ක් මියගොස් තවත් කිහිප දෙනෙකු තුවාල ලබා ඇති බව ද ඉන්දියාව එහිදී ප්‍රකාශ කර තිබේ.

දරුවෙකුට ලිංගික අපයෝජනය කල චෝදනාවට රිමාන්ඩ් කල අටමස්ථානාධිපති හිමිට ඇප

"සන්නද්ධ ගැටුම්වලදී සිවිල් වැසියන් ආරක්ෂා කිරීම" පිළිබඳ ආරක්ෂක කවුන්සිලයේ වාර්ෂික විවෘත විවාදයේදී අදහස් දක්වමින්, එක්සත් ජාතීන්ගේ සංවිධානයේ ඉන්දියානු නිත්‍ය නියෝජිත, තානාපති හරිෂ් පර්වතනේනි මෙම අදහස් පළ කළේය.

ඔහු පැවසුවේ ඇෆ්ගනිස්ථානයේ එක්සත් ජාතීන්ගේ සහාය දූත මණ්ඩලය විසින් සකස් කරන ලද ලේඛනවලට අනුව, සිවිල් වැසියන් අනතුරට පත් වූ සිදුවීම් 95කින් 94කම වගකීම පාකිස්ථාන ආරක්ෂක බලකායන් වෙත පැවරෙන බවයි.

ශ්‍රී ලංකාවේ තත්ත්වය නරක අතට - කැළඹෙන කාලගුණයේ නවතම තොරතුරු

"ජන සංහාරක ක්‍රියාවන් පිළිබඳ දීර්ඝ කාලීන කැළැල් සහිත ඉතිහාසයක් ඇති පාකිස්ථානය, ඉන්දියාවේ මුළුමනින්ම අභ්‍යන්තරික කරුණුවලට මැදිහත් වීමට තෝරා ගැනීම උපහාසාත්මකයි. ඇෆ්ගනිස්ථානයේ එක්සත් ජාතීන්ගේ සහාය දූත මණ්ඩලය වාර්තා කර ඇති පරිදි, 2026 වසරේ පළමු මාස ​​තුන තුළ පාකිස්ථාන හමුදා විසින් සිදු කරන ලද දේශසීමා සන්නද්ධ ප්‍රචණ්ඩත්වයේ ප්‍රතිඵලයක් ලෙස ඇෆ්ගනිස්ථානය තුළ සිවිල් වැසියන් 750 දෙනෙකුගේ මරණ සහ තුවාල ලැබීම් වාර්තා වී තිබෙනවා. මෙයින් බහුතරයක් සිදුව ඇත්තේ ගුවන් ප්‍රහාර හේතුවෙන්," යනුවෙන් ඔහු පවසා ඇත.

එමෙන්ම ඔහු කියා සිටියේ කාබුල්හි ඔමිඩ් ඇබ්බැහිවීම් ප්‍රතිකාර රෝහලට' එල්ල වූ ගුවන් ප්‍රහාරය පිටුපස සිටියේ පාකිස්ථානය බවයි. එම ප්‍රහාරයෙන් සිවිල් වැසියන් 269 දෙනෙකු ජීවිතක්ෂයට පත් විය.