නේවාසික රෝගීන්ට ආහාර දීම මඩකලපුවේ රෝහල් නවතා දමයි.

මඩකලපුව දිස්ත්‍රික්කයේ රෝහල්වල නේවාසික රෝගීන් සඳහා ආහාර ලබාදීම අත්හිටුවා තිබෙනවා.

ආහාර සැපයුම්කරුවන් සඳහා මුදල් ලබා නොදීම හේතුවෙන් එම තීරණය ගෙන ඇති බව සෞඛ්‍ය අමාත්‍යාංශයේ මඩකලපුව දිස්ත්‍රික් නිලධාරියෙකු සඳහන් කළා.

අදාළ නිලධාරියා සඳහන් කළේ එම සැපයුම්කරුවන් සඳහා මාස කිහිපයකට අදාළ මුදල් ගෙවීමට පවතින බවයි. ‍

ඒ සම්බන්ධයෙන් කළ විමසීමකදී සෞඛ්‍ය අමාත්‍යාංශයේ නැගෙනහිර පළාත භාර ජ්‍යෙෂ්ඨ නිලධාරියෙකු සඳහන් කළේ, මඩකලපුව දිස්ත්‍රික්කයේ රෝහල් වෙත ආහාර සැපයීම සඳහා අධික මිල ගණන් යටතේ ටෙන්ඩර් දී ඇති බවයි.

ඔහු වැඩිදුරටත් ප්‍රකාශ කළේ, එලෙස ටෙන්ඩර් ලබාදුන් සැපයුම්කරුවන් සඳහා මුදල් ගෙවීමට නොහැකිවීම මත ආහාර සැපයීම නතර කළ බවයි. 

අද මධ්‍යම රාත්‍රියේ සිට ගෑස් මිලේ වෙනසක්..