තරුණයන්ගේ සිහිනය, වෙළඳපොලට එන අලුත්ම යතුරුපැදිය ගැන ආරන්චියක්..
krishani
මීළඟ වසර තුන තුළ දී විද්‍යුත් යතුරුපැදි මාදිලි 10ක් එළිදැක්වීමට අපේක්ෂා කරන බව හොන්ඩා සමාගම නිවේදනයක් නිකුත් කරමින් පවසයි.
2040 වනවිට කාබන් මධ්‍යස්ථභාවය ලබාගැනීමට එම සමාගම දරන ප්‍රයත්නයේ එක් පියවරක් ලෙස ඔවුන් මෙය සැලසුම් කර තිබෙන අතර ලොව යතුරුපැදි වෙළෙඳපොළේ ප්‍රමුඛයා වන්නේ හොන්ඩා සමාගමයි.
විද්‍යුත් යතුරුපැදියේ මිල ඉහළයෑමට ඉඩ ඇති බව පවසන හොන්ඩා සමාගම ඒ හේතුවෙන් සංවර්ධනය වෙමින් පවතින රටවල වෙළෙඳපොළ වෙත පිවිසීම දැඩි තරගකාරී වියහැකි බව පවසයි.
එම සමාගමේ ඉලක්කය වසර 5ක් තුළ විද්‍යුත් යතුරුපැදි මිලියනයක් අලෙවි කිරීම වන අතර විද්‍යුත් යතුරුපැදි නිෂ්පාදනය ඇරඹුව ද පොසිල ඉන්ධන යොදාගන්නා යතුරුපැදි නිෂ්පාදනයෙන් ඉවත් නොවන බව එම සමාගම වැඩිදුරටත් පවසයි.
ඒ වෙනුවට කාබන් නිකුතුව අඩු ගැසොලින් - එතනෝල් මිශ්‍රණ භාවිතයෙන් ධාවනය කළ හැකි ලෙස යතුරුපැදි දියුණු කිරීමට ද හොන්ඩා සමාගම සැරසෙයි.
