තවත් ගැටළුවක් මතුවේ - හික්කඩුව-පැරෑලිය වෙරළේ තෙල් පැල්ලම්

ගාල්ල,හික්කඩුව සහ පැරෑළිය වෙරළ තීරයන්හි මීටර් 20 ක පමණ ප්‍රදේශයක තෙල් පැල්ලම් (Oil Patches) විසිරී ඇති බව නිරීක්ෂණය වී තිබෙන බව පරිසර අමාත්‍යංශය සදහන් කර තිබේයි.

පරිසර අමාත්‍යංශය සදහන් කරන්නේ වෙරළට ගොඩ ගසා ඇති තෙල් කොටස් ඉවත් කිරීමේ විශේෂ මෙහෙයුම් සමුද්‍රිය පරිසර ආරක්ෂණ අධිකාරිය සහ වෙරළ ආරක්ෂක දෙපාර්තමේන්තුව ඒකාබද්ධව අරඹා තිබෙන බවයි .

මුහුදේ ගසාගෙන ආ ෂෙල් කොරීනා S2 p 100 වර්ගයේ තෙල් බැරල් මගින් මෙම තෙල් විසිරීම සිදුව ඇති බවට තහවුරු වී තිබේ.

  පරිසර අමාත්‍යාංශය සදහන් කරන්නේ මෙම තෙල් වර්ගය පිස්ටන් මගින් ක්‍රියා කරන එයාර් කොම්ප්‍රේෂර් වල ඇතුළත කොටස් ලිහිසි කිරීම සඳහා යොදාගන්නා ලිහිසි තෙල් වර්ගයක් ලෙස හඳුනාගෙන ඇති අතර ඒවා අන්තරායදායක තෙල් වර්ගයක් ලෙස වර්ගීකරණය නොවන බවයි.

ලංවිම අහෝසි කිරීම ගැන සේවකයින් කනස්සල්ලෙන්

පවතින තත්ත්වය හේතුවෙන් මත්ස්‍යයින්, කැස්බෑවුන් ඇතුළු සාගර ජීවීන්ට හානියක් සිදු වී ඇති බවට මේ දක්වා තොරතුරු වාර්තා වී නොමැති වුවද ඒ සම්බන්ධයෙන් දැඩි අවධානයෙන් පසු වන බව සමුද්‍රිය පරිසර ආරක්ෂණ අධිකාරිය සදහන් කර තිබේ.

 පරිසර අමාත්‍යංශය තවදුරටත් සදහන් කරන්නේ මෙම තෙල් පැල්ලම් නිසා සාගර පද්ධතියට සිදු වන බලපෑම අවම කිරීමට අවශ්‍ය සියලුම තාක්ෂණික මැදිහත්වීම් මේ වන විටත් සිදු කරමින් පවතින බවයි .   

නාමල් උයන ගැන ඇහෙන අලුත් ආරංචිය