අධිකරණයට භාර වුනු ටීචර් අම්මට ඇප..

 UPDATE ; අද මීගමුව අධිකරණයට භාර වූ හයේශිකා ප්‍රනාන්දු නමැත්තිය ඇප මත නිදහස් කිරීමට මීගමුව මහේස්ත්‍රාත් අධිකරණය නියම කරනු ලැබුවා.

රක්ෂිත බන්ධනාගාරගතව සිටි හයේශිකා ප්‍රනාන්දුගේ ස්වාමිපුරුෂයා , ආයතන කළමනාකාරිවරයා සහ එම ආයතනයේ සේවය කරන තවත් තරුණයින් දෙදෙනෙකුද රුපියල් ලක්ෂ 10 බැඟින් වූ ශරීර ඇප දෙකක් මත මුදා හැර තිබෙනවා.

අධිකරණය නියෝග කර ඇත්තේ විත්තිකරුවන් සියලු දෙනාටම ඇප ලබා දිය යුත්තේ සමීපතම ඥාතීන් පමණක් බවත්, සියලු දෙනාගේම ග්‍රාම සේවා සහතික ඉදිරිපත් කල යුතු බවත්ය.

................................................

මන්ත්‍රී අර්ච්චුනාට මන්ත්‍රී අසුන අහිමි වෙයිද ?

පොලිසියෙන් සැඟව පලා ගොස් සිටි සැකකාරිනි හයේශිකා ප්‍රනාන්දු හෙවත් ටීචර් අම්මා නමැත්තිය අද (14) දහවල් මිගමුව මහේස්ත්‍රාත් අධිකරණයට භාර වී තිබෙනවා.

විත්තිකාරිනිය වෙනුවෙන් පෙනී සිටි ජනාධිපති නීතිඥ අනුජ් ප්‍රේමරත්න විසින් අධිකරණයට මේ බව දැනුම් දී තිබෙනවා.

පසුගිය සතියේ තරුණයෙකුට බරපතල ලෙස පහර දීමේ සිද්ධියේ චෝදනාවට සැකපිට හයේශිකා ප්‍රනාන්දුගේ ස්වාමියා සහ ආයතන කළමනාකාරවරයා කටාන පොලිසිය මඟින් අත්අඩංගුවට ගැනුණා.

අධිකරණය නියෝග කර තිබුනේ එම සැකකරුවන් ඊයේ දිනය තෙක් රක්ෂිත බන්ධනාගාරගත කරන ලෙසයි.

සිදුවීමේ ප්‍රධාන සැකකාරිය වූ ටීචර් අම්මාව අත්අඩංගුවට ගැනීමට පොලිස් කණ්ඩායම් තුනක් යොදවා තිබුනද ඇයව අත්අඩංගුවට ගැනීමට හැකි වුයේ නැහැ.  

භයානයක ලෙස රෝගීන්ගේ වැඩි වීමක්...අවධානයෙන් ඉන්න....