හම්බන්තොට වරායෙන් වාහන ලක්ෂ එකහමාරකට වැඩි සංඛ්‍යාවක් පිටවෙයි - ආනයනකරුවන්ට දුන් හදිසි සහන මෙන්න

හම්බන්තොට ජාත්‍යන්තර වරාය හරහා 2025 මාර්තු සිට දෙසැම්බර් දක්වා සහ මෙම වසරේ සැප්තැම්බර් දක්වා වූ කාලය තුළ වාහන 167,569ක් බෙදාහැර ඇති බව හම්බන්තොට ජාත්‍යන්තර වරාය සමූහය සදහන් කර තිබේ .

ඒ අනුව 2025 මාර්තු සිට දෙසැම්බර් දක්වා කාලය තුළ වාහන 86,389ක් බෙදාහැර ඇති අතර, ඒ අතර නවතම වාහන 30,809ක් සහ භාවිත කළ වාහන 55,580ක් ද ඇතුළත්ය 2026 වසරේ සැප්තැම්බර් දක්වා තවත් වාහන 81,180ක් බෙදාහැර ඇති අතර, ඉන් 25,018ක් නවතම වාහන වන අතර 56,162ක් භාවිත කළ වාහන වේ.

වාහන සඳහා ඉහළ ගිය ඉල්ලුම සහ වාහන ප්‍රවාහනයට බලපෑ විවිධ බාධා මධ්‍යයේ ආනයනකරුවන්ට අවශ්‍ය සහාය ලබාදීමට හම්බන්තොට ජාත්‍යන්තර වරාය සමූහය පියවර ගත් බව ඔවුන් සඳහන් කර ඇත .

තවද ශ්‍රී ලංකා වාහන ආනයනකරුවන්ගේ සංගමයද හම්බන්තොට ජාත්‍යන්තර වරාය සමූහය දක්වා ඇති ප්‍රතිචාරශීලීත්වය, මෙහෙයුම් නම්‍යශීලීත්වය සහ ප්‍රායෝගික සහාය අගය කර ඇත සාමාජිකයින් 450කට වැඩි පිරිසක් නියෝජනය කරන එම සංගමයට විශාල සමාගම් මෙන්ම ක්ෂුද්‍ර, කුඩා සහ මධ්‍ය පරිමාණ වාහන ආනයන ව්‍යාපාරද අයත් වේ.

වාහන ආනයන සීමා පැවති කාලයේදී දිගු කාලයක් වරායේ රඳවා තිබූ වාහන සඳහා ප්‍රමාද ගාස්තු ඉවත් කිරීම සහ වෙනත් සහන ලබාදීමටද හම්බන්තොට ජාත්‍යන්තර වරාය සමූහය කටයුතු කර තිබේ.

 ඔවුන් නිකුත් කළ නිවේදනයේ දැක්වෙන්නේ එම පියවර ගෙන ඇත්තේ වාහන නිදහස් කිරීම පහසු කිරීම සහ ආනයනකරුවන්ට සිදුවන මූල්‍ය බලපෑම අවම කිරීම සඳහා බවයි.

මෑතකදී ගල්ෆ් කලාපය හරහා සිදුකෙරෙන වාහන ප්‍රතිනැව්ගත කිරීම්වල ඇති වූ බාධා හේතුවෙන් බලපෑමට ලක්වූ වාහන සඳහා ගබඩා ගාස්තු සීමා කිරීමේ ක්‍රමවේදයක්ද හඳුන්වා දී තිබේ.

ඒ අනුව ඉහළ ගිය ඉල්ලුමට ප්‍රතිචාර දැක්වීම සඳහා වරායේ හැසිරවීමේ ධාරිතාව පමණක් නොව, පාරිභෝගිකයින්ගේ මෙහෙයුම් අවශ්‍යතා පිළිබඳ අවබෝධය සහ වෙනස් වන තත්ත්වයන්ට ප්‍රතිචාර දැක්වීමේ හැකියාවද අවශ්‍ය බව හම්බන්තොට ජාත්‍යන්තර වරාය සමූහයේ ප්‍රධාන විධායක නිලධාරී විල්සන් ක්ව් සදහන් කර තිබේ  .

විදේශ කටයුතු අමාත්‍යාංශයෙන් හදිසි නිවේදනයක් - සෙනසුරාදා දවස්වල විදේශ ලේඛන සහතික කරගන්න වේලාව වෙන්කරගන්න හැටි මෙන්න