රජයේ එකම වැඩපිළිවෙළ පළිගැනීම බව හිටපු ඇමති මහින්ද අමරවීර කියයි

ජනතාවට සෙත සලසන බවට පොරොන්දු දෙමින් බලයට පැමිණි ජාතික ජනබලවේග රජයේ අද එකම වැඩපිළිවෙල පලිගැනීම පමණක් බව හිටපු අමාත්‍ය මහින්ද අමරවීර මහතා පැවසීය.

අමරවීර මහතා අවධාරණය කළේ, ජාතික ජනබලවේග රජය බලයට පැමිණි විට ජනතාවට දුන් පොරොන්දු කිසිවක් මෙතෙක් ඉටු කර නොමැති බවයි. විශේෂයෙන්, විදුලි බිල් සහ ඉන්ධන මිල ලොකු ප්‍රමාණවලින් අඩු කරන බවට දුන් පොරොන්දුව ඉටු නොකර, ඒ වෙනුවට එම මිල ගණන් ජනතාව පීඩාවට පත්වන ආකාරයට වැඩි කළ බව ඔහු පෙන්වා දුන්නේය.

මෙම රජයේ ක්‍රියාකලාපය ජනතාවගේ ජීවන වියදම අඩු කිරීමට සහ ආර්ථික ස්ථාවරත්වය තහවුරු කිරීමට යොමු වී නොමැති බවත්, ඒ වෙනුවට රාජ්‍ය සේවකයින්ට එරෙහි ක්‍රියාමාර්ග ගැනීම තුළින් පළිගැනීම් සිදු කරමින් ඇති බවත් අමරවීර මහතාගේ චෝදනාවයි. මෙය රටේ ආර්ථික හා සමාජීය ගැටලු විසඳීමට වඩා බලය තහවුරු කර ගැනීමට යොමු වූ ක්‍රියාමාර්ග බව ඔහුගේ අදහසයි.