මදුරෝ රකින්න ජවිපෙ පෙරට ආපු එකත් රජයේ ස්ථාවරයත් ඇමති විජිත පැහැදිලි කරයි

වෙනිසියුලාවට එල්ල කළ එක්සත් ජනපද හමුදා මැදිහත්වීම සහ ජනාධිපති නිකොලස් මධුරෝ මහතා සහ ඔහුගේ භාර්යාව අත්අඩංගුවට ගැනීම සම්බන්ධයෙන් ශ්‍රී ලංකා රජයේ ස්ථාවරය අද (04) විදේශ අමාත්‍ය විජිත හේරත් මහතා විසින් පැහැදිලි කෙරිණි.

රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවකදී මාධ්‍යවේදීන්ගේ ප්‍රශ්නවලට පිළිතුරු දෙමින් විදේශ අමාත්‍යවරයා පැවසුවේ, මෙම ක්‍රියාමාර්ගය ජාත්‍යන්තර නීතිය සහ එක්සත් ජාතීන්ගේ ප්‍රඥප්තිය බරපතල ලෙස උල්ලංඝනය කිරීමක් බවයි.

වෙනිසියුලාවට එරෙහි ඇමෙරිකානු මිලිටරි මැදිහත්වීම ගැන ජවිපෙ දැඩි ලෙස හෙළා දකී

“එක්සත් ජාතීන්ගේ ප්‍රඥප්තිය සහ ජාත්‍යන්තර නීතියට අනුව, සියලු ජාතීන්ගේ ස්වෛරීභාවය ආරක්ෂා කිරීමට පියවර ගත යුතුය. සියලුම එක්සත් ජාතීන්ගේ සාමාජික රටවල් මෙම මූලධර්මවලට අනුකූල විය යුතුය. ඒ අනුව, හෙට (05) සඳහා හදිසි එක්සත් ජාතීන්ගේ ආරක්ෂක මණ්ඩල රැස්වීමක් කැඳවා ඇත. අපගේ පැත්තෙන්, මෙම රැස්වීම ප්‍රමාදයකින් තොරව පැවැත්විය යුතු බවට අපි ද යෝජනා කර ඇත්තෙමු,”

යි විදේශ අමාත්‍යවරයා අවධාරණය කළේය.

එක්සත් ජාතීන්ගේ ප්‍රඥප්තියේ මූලික මූලධර්ම උල්ලංඝනය කිරීම්වලට එරෙහිව එක්සත් ජාතීන්ගේ මහා මණ්ඩල සැසිවාරයේදී ද අවශ්‍ය ක්‍රියාමාර්ග ගැනීමට ශ්‍රී ලංකා රජය සූදානම් බවත් ඔහු සඳහන් කළේය.

ප්‍රශ්නගත 6 ශ්‍රේණියේ ඒ මොඩියුලයට ඇතුලත් විය යුතු නැති දෙයක් කියල අපි දන්නවා.. වැරැද්ද සිද්ධ වෙච්ච අයට නීත්‍යානුකූල ක්‍රියාමාර්ග

ජනතා විමුක්ති පෙරමුණ (ජේවීපී) විසින් ඇමෙරිකානු ක්‍රියාමාර්ග දැඩි ලෙස හෙළා දකිමින් නිකුත් කළ ප්‍රකාශය පිළිබඳව මාධ්‍යවේදීන්ගෙන් ප්‍රශ්න එල්ල වූ අතර, ඒ සම්බන්ධයෙන් අදහස් දක්වමින් විදේශ අමාත්‍යවරයා පැවසුවේ,

“දේශපාලන පක්ෂ රජයෙන් වෙනස් ආයතන වෙනවා. ඔවුන්ට තමන්ගේම මත තිබිය හැකියි. රජයේ ස්ථාවරය ජාත්‍යන්තර නීතියට සහ එක්සත් ජාතීන්ගේ ප්‍රඥප්තියට අනුකූලව ගෙන තිබෙනවා” යනුවෙනි.