මේ රාජ්‍ය ආයතනවලට නව නිලධාරීන් පිරිසක් - හේතුව මෙන්න

රජයේ ආයතනවල සිදුවන විෂමාචාර සම්බන්ධයෙන් මූලික විමර්ශන සිදු කිරීම වෙනුවෙන් නව විමර්ශන නිලධාරී සංචිතයක් පිහිටුවීමට රජය කටයුතු කර ඇත.

ඒ අනුව රාජ්‍ය පරිපාලන, පළාත් සභා සහ පළාත් පාලන අමාත්‍යාංශයට අයත් ආයතන පද්ධතිය තුළ සිදුවන විෂමාචාර සම්බන්ධයෙන් මෙන්ම රාජ්‍ය සේවා කොමිෂන් සභාව, පාර්ලිමේන්තු ගිණුම්කාරක සභාව සහ පාර්ලිමේන්තු ව්‍යවසාය කාරක සභාව වැනි ආයතනවලින් ලැබෙන පැමිණිලි සම්බන්ධයෙන් මූලික විමර්ශන සිදු කිරීම එම අමාත්‍යාංශයේ විමර්ශන ඒකකය වෙත පැවරී තිබෙනවා.

කෙසේ වුවද රජයේ ආයතන ගණනාවකින් පැමිණෙන පැමිණිලි සංඛ්‍යාව ඉහළ යෑමත් සමඟ එම ඒකකයේ සේවය කරන විමර්ශන නිලධාරීන් 20 දෙනෙකු පමණක් වීම නිසා සියලුම පැමිණිලි සම්බන්ධයෙන් විමර්ශන සිදු කිරීමට ඇති ධාරිතාව ප්‍රමාණවත් නොවන බව වාර්තා වේ.

ලංකාවම බලන් හිටපු අලුත් අවුරුදු නැකැත් සීට්ටුව රජය අබිබවා සර්වජන බලයෙන් ප්‍රකාශ කරයි

එබැවින් රාජ්‍ය පරිපාලන අමාත්‍යාංශයේ මැදිහත් වීම මත විවිධ අමාත්‍යාංශ, දෙපාර්තමේන්තු, රාජ්‍ය සංස්ථා හා මණ්ඩලවලින් අයදුම්පත් කැඳවා නිලධාරීන් තෝරාගෙන, වෙනත් ආයතනවල සේවය කරන රාජ්‍ය නිලධාරීන්ගෙන් සමන්විත මූලික විමර්ශන නිලධාරීන් සහ පැමිණිල්ල මෙහෙයවන නිලධාරීන්ගේ සංචිතයක් පිහිටුවීමට තීරණය කර ඇති බව සඳහන්.

එහි ප්‍රධාන අරමුණු ලෙස එම නිලධාරීන් සේවය කරන ආයතනවලට මනා පුහුණුවකින් යුත් විමර්ශන නිලධාරීන් පිරිසක් ලබාදීම සහ බාහිර ආයතනවලින් රාජ්‍ය පරිපාලන අමාත්‍යාංශයේ විමර්ශන ඒකකයට යොමු කෙරෙන ඉල්ලීම් සම්බන්ධයෙන් කටයුතු කිරීමට මෙම නිලධාරීන් යොමු කිරීම දැක්වේ.

සුබ ආරංචියක් - මේ රැකියා කරන අයටත් අලුතින් විශ්‍රාම වැටුපක්

එබැව්න් ලැබුණු අයදුම්පත් අතරින් තෝරාගත් නිලධාරීන් 150 දෙනෙකුගෙන් යුත් සංචිතයක් පිහිටුවා ඔවුන් කණ්ඩායම් තුනක් වශයෙන් වෙන් කර එක් කණ්ඩායමකට දින 14ක පුහුණු වැඩසටහනක් පැවැත්වීමට කටයුතු කර තිබෙනවා.

එසේම එහි පළමු කණ්ඩායම වෙනුවෙන් පුහුණු වැඩසටහන 2026 පෙබරවාරි 05 දින ආරම්භ කළ අතර එය සාර්ථකව අවසන් කළ නිලධාරීන් 42 දෙනෙකු සඳහා සහතිකපත් ප්‍රදානෝත්සවය රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ නියෝජ්‍ය අමාත්‍ය රුවන් සෙනරත් මහතාගේ ප්‍රධානත්වයෙන් නාරාහේන්පිට නිල මැදුරු ශ්‍රවණාගාරයේදී පැවැත්වුණු බව වාර්තා වේ.

''පව්කාර මිනිසුන් යුද්ධවලට පැටලිලා බොහෝ පිරිසකගේ කුසගිනි නිවිය හැකි මහා ධනස් කන්දයක් විනාශකාරී යුද්ධවලට වැය කරනවා '' කාදිනල් හිමි කියයි

මුළු ලෝකෙම සමාජ මාධ්‍ය කැළඹූ විවාහයක් - පෙම්වතා සහ හොඳම මිතුරා එක්ක එකම දවසේ විවාහ වුණ මනාලිය