ව්‍යවස්ථා සංශෝධනයට එරෙහිව දැවැන්ත විරෝධයක් - වෛද්‍යවරුන්ගෙනුත් තද තීරණයක්

රජයේ වෛද්‍ය නිලධාරීන්ගේ සංගමය (GMOA) සහ රජයේ දන්ත ශල්‍ය වෛද්‍යවරුන්ගේ සංගමය යෝජිත 22 වන ආණ්ඩුක්‍රම ව්‍යවස්ථා සංශෝධනයට විරෝධය පළ කිරීමට තීරණය කර තිබේ.

 සංගම් දෙකෙහි නියෝජිතයින් සඳහන් කළේ, ශ්‍රී ලංකා නීතිඥ සංගමය (BASL) ඇතුළු අනෙකුත් වෘත්තීය සංවිධාන සමඟ එක්ව මෙම සංශෝධනයට එරෙහිව කටයුතු කිරීමට එකඟතාවකට පැමිණ ඇති බවයි.

වෘත්තීය සංවිධාන, සිවිල් සමාජ කණ්ඩායම් සහ ක්‍රියාකාරීන් අතරින් යෝජිත සංශෝධනයට එරෙහිව මතුවෙමින් පවතින විරෝධයට මෙම තීරණයද එක්වී තිබේ. මේ අතර, යෝජිත 22 වන ආණ්ඩුක්‍රම ව්‍යවස්ථා සංශෝධනය අභියෝගයට ලක් කරමින් ශ්‍රී ලංකා ශ්‍රේෂ්ඨාධිකරණය හමුවේ මේ වන විටත් පෙත්සම් කිහිපයක් ගොනු කර ඇත.

රවී කරුණානායක අල්ලස් කොමිසම හමුවට