මැදපෙරදිග ගැටුම නිසා තෙල් මිල ගැන ජෝර්ජිවා අනතුරු අඟවයි

 ජාත්‍යන්තර මූල්‍ය අරමුදල කළමනාකාර අධ්‍යක්ෂ ක්‍රිස්ටලිනා ජෝර්ජිවා මහත්මිය මැදපෙරදිග ගැටුම නිසා ඇතිවිය හැකි උද්ධමන අවදානම් පිළිබඳ අද  අනතුරු ඇඟවූවාය.

ජපාන මුදල් අමාත්‍යාංශය විසින් ටෝකියෝහිදී පැවැත්වූ සම්මන්ත්‍රණයකදී ඇය ප්‍රකාශ කළේ, තෙල් මිල 10%කින්  ඉහළ ගොස් වසරේ බොහෝ කාලයක් එම මට්ටමේ පැවතුණහොත්, ගෝලීය උද්ධමනයේ පදනම් ලක්ෂ්‍ය 40ක වැඩිවීමක් සිදුවිය හැකි බවයි.

"මැදපෙරදිග නව ගැටුම මගින් ආර්ථික ඔරොත්තු දීමේ හැකියාව නැවත වරක් පරීක්ෂා කරනු ලබන බව අපට පෙනේ" යැයි ජෝර්ජිවා මහත්මිය සඳහන් කළාය.

ඇය වැඩිදුරටත් පැවසුවේ, මෙම නව ගෝලීය පරිසරය තුළ ප්‍රතිපත්ති සම්පාදකයින්ට තම උපදෙස වන්නේ "සිතාගත නොහැකි දේ ගැන සිතා ඒ සඳහා සූදානම් වීම" බවයි.

මෙම අනතුරු ඇඟවීම මැදපෙරදිග නිසා තෙල් මිල ඉහළ යාම හා Hormuz සමුද්‍ර සන්ධිය හරහා නැව්ගත කිරීම් 90%කින් පමණ අඩුවීම සමඟ සම්බන්ධයි.

තෙල් මිල දැනටමත් $100 ඉක්මවා $120 දක්වා ඉහළ ගොස් ඇති බව වාර්තා වේ.

මෙය ගෝලීය ආර්ථිකයට, විශේෂයෙන් ආසියාවට බලපෑම් එල්ල කරමින් බලශක්ති ආරක්ෂාව ප්‍රමුඛතම ගැටලුවක් බවට පත්කර ඇත.  

හොරණ පොලිස් විසින් දෝෂ සහිත වාහන 15කට තහනම් නියෝග

අග්‍රාමාත්‍යවරිය පිලිපීනය බලා පිටව යයි