වසර 36කට පෙර පොලී­සි­යෙන් පැහැ­ර­ගත් පෙම්ව­තාට යුක්තිය ඉල්ලා පෙම්ව­තිය පෙරට

වසර 36කට පෙර, 1989 ඔක්තෝබර් 27 දින කටුනායක ආයෝජන ප්‍රවර්ධන කලාපයේ (Free Trade Zone) සේවය කළ දෙදෙනෙකු ශ්‍රී ලංකා පොලිසියේ පිරිසක් විසින් පැහැරගෙන ගොස් ඝාතනය කළ බව කියන සිද්ධිය සම්බන්ධයෙන් පුළුල් විමර්ශනයක් සිදුකර වගකිව යුත් පුද්ගලයන් අත්අඩංගුවට ගැනීමට මහජන ආරක්ෂක අමාත්‍යාංශයේ ලේකම්, විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහතාගෙන් ලිඛිත ඉල්ලීමක් කර තිබෙනවා.

මෙම ඉල්ලීම සිදු කර ඇත්තේ ඝාතනයට ලක්වූ එක් පුද්ගලයකුගේ පෙම්වතිය වන මානව හිමිකම් ක්‍රියාකාරිනි ජයන්ති දන්දෙණිය මහත්මිය විසිනි. ඇයගේ ලිඛිත පැමිණිල්ලේදී සඳහන් වන්නේ මෙසේයි:

• සිදුවීම සම්බන්ධයෙන් අපරාධ පරීක්ෂණ දෙපාර්තමේන්තුව මඟින් ප්‍රකාශ 76ක් සටහන් කරගෙන ඇති බව.
• සිදුවීමේ ප්‍රධාන සාක්ෂිකරු ලෙස හිටපු ඇමැති ජෙයරාජ් ප්‍රනාන්දුපුල්ලේ මහතාගේ සාක්ෂිය අතිශය වැදගත් බව.
• එම සම්පූර්ණ සාක්ෂිය ලිඛිත ඉල්ලීමට අමුණා ඇති බව.

ජයන්ති දන්දෙණිය මහත්මිය තම පැමිණිල්ලේදී විස්තර කර ඇත්තේ 1988-1989 කාලයේ රටේ භීෂණය ඉතා දරුණු මට්ටමක පැවති බවයි. කටුනායක වෙළඳ කලාපයේ හා ඒ අවට ආයතනවල සේවකයන් බොහෝ විට තමන්ගේ ප්‍රශ්න විසඳාගැනීම සඳහා යම් යම් කටයුතුවලට භාවිතා කරගෙන තිබූ බවත් ඇය පවසනවා.

ඝාතනයට ලක්වූ පුද්ගලයා රංජිත් (රංජි අයියා ලෙස හඳුන්වා ඇති) කොරියානු සමාගමකට අයත් මල් (සිල්ක් මල්) නිෂ්පාදන ආයතනයක සේවය කළ අයෙකු බවත්, එහි ආයතන ප්‍රශ්න (කම්කරු අයිතිවාසිකම් ආදිය) ගැන තදින් විරුද්ධ වූ බවත් ඇය සඳහන් කර තිබෙනවා. තමන්ද එම කලාපයේම ආයතනයක මැෂින් ඔපරේටර්වරියක් ලෙස වැඩ කළ බවත් ඇය කියා තිබෙනවා.

සිදුවීමේ විස්තර 

දෙදෙනා අත්අඩංගුවට ගෙන සීදූව පොලීසියට රැගෙන ගොස්, එළිවෙන කල් පොලීසියේ කොටම්බා ගහක් යට තබාගෙන සිට තිබූ බව. පසුව රද්දොළුව පල්ලිය ඉස්සරහට රැගෙන ගොස් මරා දැමූ බව. ඔවුන්ට බහින්න කියා, ඉස්සරහට දුවන්න කියා වෙඩි තැබූ බව (බාගෙට මැරී ඇති බව). ටයර් දමා පුච්චා, අසල පලතුරු කඩයක ලෑලි දමා පෙට්‍රල් එකතු කර ගිනි තැබූ බව. මෙය අතුරුදහන්වීමක් නොව ඝාතනයක් බවත්, මිනී මරුවන් තවමත් ජීවත්ව සිටින බවත්. මිනීන්ගේ ස්ථානය තවමත් හඳුනාගෙන නැති බවත්. ජෙයරාජ් ප්‍රනාන්දුපුල්ලේ මහතාගේ සාක්ෂියේ මෙය පැහැදිලිව සඳහන් බවත් ඇය අවධාරණය කර තිබෙනවා.

මෙම සිද්ධිය 1987-1989 කාලයේ රටේ බහුලව සිදුවූ පැහැරගැනීම් හා ඝාතන සමඟ සම්බන්ධ බවත්, විශේෂයෙන් කටුනායක FTZ හි කම්කරු අයිතිවාසිකම් සඳහා සටන් කළ අයට එරෙහිව සිදුවූ බවත් මානව හිමිකම් සංවිධාන වාර්තාවල සඳහන් වෙනවා. ජයන්ති දන්දෙණිය මහත්මිය මේ වසර ගණනාව තුළ මෙම සිද්ධිය සම්බන්ධයෙන් යුක්තිය ඉල්ලා අඛණ්ඩව ක්‍රියාකාරී වී තිබෙනවා.

අද දවසේ ඔබට සිදුවෙන්නෙ මොනවාද? රහස් ලග්න අනාවැකි මෙන්න!