මාලිමාව ලංකාවම හොල්ලයි.. මහ මැතිවරණයෙන් වැඩිම මනාප ගත් 5 දෙනා කවුද දන්නව ද?.
krishani
ජාතික ජන බලවේගයෙන් ගම්පහ දිස්ත්‍රික්කය සඳහා තරග වැදුණු අමාත්‍ය විජිත හේරත් මහතා මෙරට ඉතිහාසයේ අපේක්ෂකයෙකු ලබාගත් ඉහළම මනාප වාර්තාවට හිමිකම් කියයි.
ඒ මනාප ඡන්ද 716,715ක් ලබා ගනිමින් ය.
මීට පෙර එම වාර්තාවට හිමිකම් කීවේ හිටපු ජනාධිපති මහින්ද රාජපක්ෂ මහතා වේ.
ඒ 527,364ක මනාප සංඛ්‍යාවක් ලබා ගනිමින් ය.
කොළඹ දිස්ත්‍රික්කයෙන් ජාතික ජනබලවේගය යටතේ තරග කරනු ලැබූ අග්‍රාමාත්‍ය ආචාර්ය හරිනි අමරසූරිය මනාප 655,289ක් ලබා ගනිමින් කොළඹ දිස්ත්‍රික්කයේ වැඩිම මනාප ගණනක් ලබා ගත් අපේක්ෂිකාව බවට පත් විය.
එලෙස අග්‍රාමාත්‍යවරිය තැබූ වාර්තාව පැය කිහිපයක් යන්නට මත්තෙන් අලුත් කරමින් අමාත්‍ය විජිත හේරත් ඉතිහාසයේ වැඩිම මනාපලාභියාට හිමි වාර්තාව පිහිටුවනු ලැබීය.
වැඩිම මනාප සංඛ්‍යාවක් හිමිකර ගත් වෛද්‍ය නලින් ද ජයතිස්ස තුන් වැනි ස්ථානයට පත් විය.
ඒ අනුව ඔහු මනාප 371,640 ලබා ගත්තේ කළුතර දිස්ත්‍රික්කයට තරග කරමින් ය.
එමෙන්ම, කුරුණෑගල දිස්ත්‍රික්කයෙන් තරග කර මනාප 356,969ක් ලබා ගනිමින් නාමල් කරුණාරත්න සිව්වන ස්ථානයට පත්විය.
කෙසේ වෙතත්, කේ. ඩී. ලාල්කාන්ත මහනුවර දිස්ත්‍රික්කය නියෝජනය කරමින් මහ මැතිවරණයට තරග කරමින් පස්වැනි ස්ථානයට පත් විය.
ඒ මනාප ඡන්ද 316,951ක් ලබා ගෙනයි.
-
NPP 6863186 | 159 SeatsJathika Jana Balawegaya
61.56% -
SJB 1968716 | 40 SeatsSamagi Jana Balawegaya
17.66% -
NDF 500835 | 5 SeatsNew Democratic Front
4.49% -
SLPP 350429 | 3 SeatsSri Lanka Podujana Peramuna
3.14% -
OTHERS 1464840 | 0 SeatsAll Other Parties
13.14%
