බන්ධනාගාරයේ පාතාල කල්ලි ගැටුමක් - නවතම තොරතුරු මෙන්න..

 ගාල්ල බන්ධනාගාරය තුළදී අද (19) උදෑසන බන්ධනාගරයේ රඳවා සිටින අපරාධ කල්ලි දෙකක සාමාජිකයින් අතර හටගත් ගැටුමකදී තියුණු ආයුධවලින් පහරදීම හේතුවෙන් සිව්දෙනෙකු තුවාල තබා ඇති බව වාර්තා වෙයි.  

අනුර පුෂ්පකුමාර හෙවත් "බටු මීයා" නමැති අපරාධකරුගේ පාර්ශ්වය සහ කරන්දෙණිය සුද්දා නමැති අපරාධකරුගේ පාර්ශ්වය අතර ගැටුම හටගෙන ඇති බවයි, බන්ධනාගාර ආරංචි මාර්ග සඳහන් කළේ.

එහිදී "බටු මීයා" නමැති රැඳවියා සහ ඔහුගේ සමීපතමයන් තිදෙනෙකු තුවාල ලබා තිබේ. "බටු මීයා" සහ ඔහුගේ සගයින් තිදෙනා බන්ධනාගාරගත කෙරුණේ මීටියාගොඩ බෙලිමුල්ල ප්‍රදේශයේ නිවසක සිටි පියෙකුට සහ දියණියකට වෙඩිතැබීමේ සිද්ධියක් සම්බන්ධයෙනි.

රජයෙන් ලබා දෙන තවත් දීමනාවක් වහාම ඉහළ දමයි. ..!

කරන්දෙණිය සුද්දාගේ පාර්ශ්වය විසින් තමන්ව ඝාතනය කිරීමට සූදානම්ව සිටි බවත්, ඊට ආධාර අනුබලදුන් පුද්ගලයෙකු ඉළක්ක කර වෙඩිතැබීම සිදුකළ බවටයි,එහිදී ඔහු පොලීසියට පවසා තිබුණේ.

ඒ අනුව ගාල්ල බන්ධනාගාරයට යැවුණු ඔවුන් රඳවා සිටි වාට්ටුවෙහි කරන්දෙණිය සුද්දාගේ පර්ශ්වයට අයත් සැකකරුවන් පිරිසක්ද සිට තිබුණි.

අද උදෑසන කරන්දෙණිය සුද්දාගේ පාර්ශ්වය විසින් "බටු මීයා" සහ ඔහුගේ සගයින්ට තියුණු ආයුධවලින් පහරදී තුවාල සිදුකර ඇති බව සඳහන් ය. අනතුරුව බන්ධනාගාර නිලධාරීන් මැදිහත්වී තත්ත්වය පාලනය කර "බටු මීයා" ඇතුලු පිරිස බූස්ස බන්ධනාගාරයට මාරුකර යවා ඇති බව බන්ධනාගාර ආරංචිමාර්ග පැවසීය.  

රුසියානු සම්බාධක ලැයිස්තුවට චීන සමාගම් එක් කිරීම ගැන විරෝධයක්

………………………………………………………………………………………

You may like this video 👇