මැතිවරණ කල් දැමීමේ උත්සාහයක් ගැන ඒකාබද්ධ විපක්ෂයෙන් සැකයක් – ජී. එල්. පීරිස් කට අරී

ජනාධිපතිවරණය සහ මහ මැතිවරණය ඒවාට නියමිත වසර පහක කාලය අවසන් වීමෙන් පසුව කල් දැමීමට රජය උත්සාහ කරනු ඇති බවට සැකයක් පවතින බව ඒකාබද්ධ විපක්ෂය පවසයි.

ගාල්ල දිස්ත්‍රික්කයේ පැවති සම්මන්ත්‍රණයකදී අදහස් දක්වමින් එම සංවිධානයේ කැඳවුම්කරු මහාචාර්ය ජී.එල්. පීරිස් මහතා මේ බව සඳහන් කර තිබේ. පළාත් සභා මැතිවරණය පැවැත්වීමට රජය කටයුතු නොකරන බව පැහැදිලිව ප්‍රකාශ කර ඇති බැවින්, එම ක්‍රියාමාර්ගය ජනාධිපතිවරණය සහ මහ මැතිවරණය සම්බන්ධයෙන්ද අනුගමනය කිරීමට උත්සාහ කරනු ඇතිද යන්න පිළිබඳව බරපතළ අවධානයක් යොමුව ඇති බව ඔහු පැවසීය.

තමන් බලයට පත්වූයේ වසර පහකට පමණක් නොවන බවත්, තවත් වසර 20ක් හෝ 25ක් පාලන බලයේ රැඳී සිටීමට බලාපොරොත්තු වන බවත් ඇතැම් රජයේ අමාත්‍යවරුන් ප්‍රකාශ කර ඇති බවද මහාචාර්ය පීරිස් මහතා සඳහන් කළේය.

අගමැති හරිනි රටින් පිටව යයි - හදිසියේම භූතානයට ගිය හේතුව මෙන්න

මේ අතර, ශ්‍රේෂ්ඨාධිකරණ විනිසුරුවරුන්ගේ විශ්‍රාම යන වයස් සීමාව ඉහළ නැංවීමට යෝජනා කර ඇති බවට පළවන කරුණුද සැහැල්ලුවෙන් නොසලකා හැරිය යුතු බව ඔහු අවධාරණය කළේය.

එම යෝජනාව ක්‍රියාත්මක කිරීම සඳහා ආණ්ඩුක්‍රම ව්‍යවස්ථාවේ 22 වැනි සංශෝධනයක් ගෙන ඒමට කටයුතු කළහොත්, එය රට තුළ දැනට ඉතිරිව ඇති ප්‍රජාතන්ත්‍රවාදයේ සලකුණ පවා අවසන් කිරීමකට හේතු වනු ඇතැයි මහාචාර්ය ජී.එල්. පීරිස් මහතා වැඩිදුරටත් ප්‍රකාශ කළේය.

සිංගප්පුරුවේ සිට අර්ජුන මහේන්ද්‍රන්ගෙන් ලිපියක් - “හර්ජන් ඇලෙක්සැන්ඩර් ලෙස නම වෙනස් කළේ නැහැ ”