මධ්‍යධරණී මුහුදේ සංක්‍රමණික බෝට්ටු අනතුරකින් 42ක් අතුරුදන්

ලිබියානු රතු ක්‍රෙසන්ට් ආයතනයට අනුව, සංක්‍රමණිකයන් සහ සරණාගතයින් රැගත් බෝට්ටු දෙකක් ලිබියාවේ වෙරළට ඔබ්බෙන් පෙරලීමෙන් අවම වශයෙන් පුද්ගලයින් හතර දෙනෙකු මිය ගොස් ඇත.

අද(16) නිවේදනයක් නිකුත් කරමින් එම සංවිධානය පැවසුවේ බ්‍රහස්පතින්දා (13) රාත්‍රියේ වෙරළබඩ නගරයක් වන අල්-කුම්ස් අසලදී මෙම සිදුවීම සිදුවී ඇති බවයි.

“ශ්‍රී ලංකාව ගුජරාට් සංවර්ධන ආකෘතිය දෙස බලා සිටියා” ඉන්දියාවේ ශ්‍රී ලංකා මහ කොමසාරිස් කියයි

පළමු බෝට්ටුවේ බංග්ලාදේශයේ පුද්ගලයින් 26 දෙනෙකු සිටි බවත්, ඉන් හතර දෙනෙකු මිය ගිය බවත් එහි සඳහන් විය.

දෙවන බෝට්ටුවේ ඊජිප්තුවරුන් දෙදෙනෙකු සහ සුඩාන ජාතිකයන් දුසිම් ගනනක් ඇතුළුව පුද්ගලයින් 69 දෙනෙකු ගමන් කළ බව රතු ක්‍රෙසන්ට් වැඩිදුරටත් සඳහන් කළ අතර, ඔවුන්ගේ ඉරණම නිශ්චිතව දක්වා නැත. ඔවුන්ගෙන් අට දෙනෙකු ළමයින් බව එහි සඳහන් විය.

අල්-කුම්ස් යනු ට්‍රිපොලි අගනුවරට කිලෝමීටර් 118 ක් (සැතපුම් 73) නැගෙනහිරින් පිහිටි වෙරළබඩ නගරයකි.

රියදුරු බලපත්‍ර ගන්න ඉන්න අයට සතුටුදායක ආරංචියක්

2011 දී නේටෝ සහාය ලත් නැගිටීමකදී ඒකාධිපති මුවම්මර් ගඩාෆිගේ වැටීමෙන් පසු ලිබියාව ගැටුම් සහ දරිද්‍රතාවයෙන් යුරෝපයට පලා යන සංක්‍රමණිකයන් සහ සරණාගතයින් සඳහා සංක්‍රමණ මාර්ගයක් බවට පත්ව ඇත.

ලිබියානු රතු ක්‍රෙසන්ට් විසින් නිකුත් කරන ලද පින්තූරවල කළු ප්ලාස්ටික් බෑග්වල මළ සිරුරු පෙළක් බිම තබා ඇති අතර, ස්වේච්ඡා සේවකයන් දිවි ගලවා ගත් අයට ප්‍රථමාධාර ලබා දෙන ආකාරය දක්නට ලැබේ.

අනෙකුත් පින්තූරවලින් දැක්වෙන්නේ බේරාගත් පුද්ගලයින් බිම වාඩි වී සිටින තාප බ්ලැන්කට් වලින් ඔතා ඇති ආකාරයයි.

ජනපති අරමුදලෙන් නාමල්ගේ උපන්දින සැමරූ හැටි හර්ෂණ මැති සබයේ හෙළි කරයි

වෙරළාරක්ෂක භටයින් සහ අල්-කුම්ස් වරාය ආරක්ෂක ඒජන්සිය ගලවා ගැනීමේ මෙහෙයුමට සහභාගී වූ බව ප්‍රකාශයේ වැඩිදුරටත් සඳහන් විය. නගරයේ මහජන නඩු පැවරීමේ උපදෙස් මත මළ සිරුරු අදාළ බලධාරීන්ට භාර දුන් බව ද සඳහන් විය.

බදාදා, ජාත්‍යන්තර සංක්‍රමණ සංවිධානය (IOM) පැවසුවේ ලිබියානු වෙරළට වයඹ දෙසින් පිහිටි අක්වෙරළ පහසුකමක් වන අල් බුරි තෙල් නිධිය අසල රබර් බෝට්ටුවක් ගිලී යාමෙන් අවම වශයෙන් සංක්‍රමණිකයන් 42 දෙනෙකු අතුරුදහන් වී මිය ගොස් ඇති බවට අනුමාන කරන බවයි.

මුස්ලිම් පාසල් සඳහා නව නිර්දේශය කාලසටහනක්