කැම්පස් සිහිනය බොද වුනු ඔයාට අලුත් බලාපොරොත්තුවක්..
Piyumika
විශ්ව විද්‍යාල ප්‍රවේශයට සුදුසුකම් නොලබන තරුණ තරුණියන්ට වෘත්තීය අධ්‍යාපනය ලබාදෙමින් ඔවුන් ජාතික ආර්ථිකයේ කොටස්කරුවන් බවට පත් කිරීමේ වගකීම තරුණ කටයුතු සහ ක්‍රීඩා අමාත්‍යාංශය බාරගන්නා බව තරුණ කටයුතු නියෝජ්‍ය අමාත්‍ය එරංග ගුණසේකර පැවසීය.
නියෝජ්‍ය අමාත්‍යවරයා මේ බව පැවසුවේ ජාතික යොවුන් සේනාංකයේ දඹුල්ල හෝටල් පුහුණු පාසලේ දෙවන කණ්ඩායම සඳහා සහතිකපත්‍ර ප්‍රදානෝත්සවයේදීය.
අ.පො.ස. සාමාන්‍යපෙළ සහ අ.පො.ස. උසස්පෙළ විභාග හරහා විශ්ව විද්‍යාල පද්ධතියට ප්‍රවේශ වීමට නොහැකි තරුණ තරුණියන් වෙනුවෙන් වෘත්තීය අධ්‍යාපනය මඟින් දැනුම සහ නිපුණතාවය ලබා දීම අත්‍යාවශ්‍ය බවත්, ඒ තුළින් ඔවුන් ආර්ථිකයේ කොටස්කරුවන් බවට පත් කිරීමේ වගකීම තරුණ කටයුතු සහ ක්‍රීඩා අමාත්‍යාංශය ලෙස ගන්නා බවත් නියෝජ්‍ය අමාත්‍යවරයා පැවසුවේය.
ලබන වසර තුලදී මෙම වෘත්තීය පුහුණුව ලත් තරුණ තරුණයින්, අනෙකුත් අමාත්‍යංශ හා සම්බන්ධ කරමින් රටේ ධනය උත්පාදනය කිරීමේ කොටස්කරුවන් බවට පත් කිරීමේ වැඩපිළිවෙලකට සූදානම් බව ද ඔහු ප්‍රකාශ කළේය.
මෙම අවස්ථාවට ක්‍රීඩා අමාත්‍යාංශයේ ලේකම් අරුණ බණ්ඩාර, යොවුන් සේනාංක අධ්‍යක්ෂක බ්‍රිගේඩියර් R. M.S.P. රත්නායක, දඹුල්ල හෝටල් පුහුණු පාසලේ විදුහල්පති මේජර් M.D.B. ඉලංගසිංහ, අතිරේක අධ්‍යක්ෂක ( පාලන හා මූල්‍ය ) නීතිඥ R.නිශාන්ත පුෂ්පකුමාර, අතිරේක අධ්‍යක්ෂක ( පුහුණු හා සංවර්ධන) සමන් කුලසූරිය ඇතුළු නිලධාරීහු සහභාගී වූහ.
You may like this video
