රටේ ආහාර නැද්ද? අල ලූනු පරිප්පු රටින් ගෙන්නයි

ආහාර සුරක්ෂිතතා කමිටුව රට මුහුණ දුන් ආපදා තත්ත්වය හමුවේ ජනතාවගේ ආහාර සුරක්ෂිතතාව තහවුරු කිරීම සදහා රැස් වී ඇත. ජනාධිපති ලේකම් කාර්යාලයේදී වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ මහතා සහ කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී ලාල්කාන්ත යන මහත්වරුන්ගේ ප්‍රධානත්වයෙන් රැස්වීම රැස්ව ඇත.

රු.25000 දීමනාව ලබාදීම ආරම්භයි

එහිදී මෙම පශ්චාත් ආපදා සමයේ ජනතාවට අවශ්‍ය ආහාර ද්‍රව්‍ය සැපයුම හා මිල තත්ත්වයන් සම්බන්ධයෙන් සාකච්ඡා කර ඇති අතර වගා බිම්වලට සිදුවූ හානිය උපයෝගී කරගනිමින් ඇතැම් වෙළෙඳුන්, වෙළෙඳපොළ තුළ කෘතිම ලෙස මිල ඉහළ නැංවීමක් සිදු කිරීමට ගන්නා උත්සාහයන් ව්‍යර්ථ කිරීම සඳහා අවශ්‍ය තීරණයන් ගැනීමට ආහාර සුරක්ෂිතා කමිටුව මෙහිදී කටයුතු කර ඇත.

ඉන් අනතුරුව වෙළෙඳපොළ තුළ කෘතිමව ඇති කරන ලද මිල ඉහළ යාම පාලනය කිරීම සඳහා අල, ලූනු සහ පරිප්පු යන ආහාර ද්‍රව්‍ය, ශ්‍රී ලංකා රාජ්‍ය වාණිජ (විවිධ) නීතිගත සංස්ථාව හා සමුපකාර තොග වෙළෙඳ සංස්ථාව මඟින් ආනයනය කිරීමට අවධානය යොමුවී තිබේ.

බිත්තර ගැන අසත්‍ය පුවත් - මෙන්න ඇත්ත

එමෙන්ම ආහාර සුරක්ෂිතා කමිටුව වැඩිදුරටත් සාකච්ඡා කර ඇත්තේ එම ආහාර ද්‍රව්‍ය රාජ්‍ය යාන්ත්‍රණය ඔස්සේ ලංකා සතොස අලෙවි සැල් ජාලය සහ සමුපකාර අලෙවි සැල් ජාලය හරහා පාරිභෝගික ජනතාව වෙත ලබාදීමට අදාළ ඉදිරි කටයුතු සිදු කිරීමටය.

වැඩිදුරටත් දිට්වා සුළි කුණාටුවත් සමඟ රටට බලපෑ ආපදා තත්ත්වය හමුවේ ජනතාවගේ ආහාර සුරක්ෂිතතාව තහවුරු කිරීමට ආහාර සුරක්ෂිතා කමිටුව සතිපතා රැස්වීමටද තීරණය කල බව වාර්තා වේ.

ගිනි ගණන් වුණ එළවළු - බෝංචි කිලෝවක් 1300ක්