ඉදිරි පැය 48 ගංවතුර අනතුරු ඇඟවීමක් - මේ ප්‍රදේශවල පදිංචිකරුවන්ට විශේෂ දැනුම් දීමක්

කළු ගඟෙහි කුඩා ගඟ උප දෝණිය සම්බන්ධයෙන් ඉදිරි පැය 48ක කාලය සඳහා සුළු ගංවතුර අනතුරු ඇඟවීමක් වාරිමාර්ග දෙපාර්තමේන්තුව අද (15) දින පෙ.ව. 8ට නිකුත් කර ඇත.

ඒ අනුව එම දෙපාර්තමේන්තුව සඳහන් කළේ, කුඩා ගඟ උපද්‍රෝණියේ ඉහළ ධාරා ප්‍රදේශවලට සැලකිය යුතු වර්ෂාපතනයක් ලැබී ඇති බවත්, තවදුරටත් වර්ෂාව පවතින බවත් ය.

එමෙන්ම ගංගා ජල මාපකවල ජල මට්ටම් සහ වර්ෂා දත්ත විශ්ලේෂණයට අනුව බුලත්සිංහල, මදුරාවල හා පාලින්දනුවර ප්‍රාදේශීය ලේකම් කොට්ඨාසවල කුඩා ගඟ සහ මගුර ගඟ පිටාර තැන්නට අයත් පහත්බිම් ප්‍රදේශවල සුළු ගංවතුර තත්ත්වයක් ඇතිවිය හැකි බවට ද අනතුරු අඟවා ඇත.

රටම බයෙන් සිටි නරක ආරංචිය - ආපදා මරණ ඉහළ යයි

ඒ හේතුවෙන් කුඩා ගඟ සහ මගුර ගඟ අවට පහත්බිම් හරහා වැටී ඇති අතුරු මාර්ග ජලයෙන් යටවීමේ දැඩි අවදානමක් පවතින බව වාරිමාර්ග දෙපාර්තමේන්තුව දැනුම් දෙයි.

එබැවින් අදාළ ප්‍රදේශවල පදිංචිකරුවන්, රියදුරන් සහ ගංගා ආශ්‍රිත ප්‍රදේශ භාවිත කරන ජනතාව දැඩි සැලකිල්ලෙන් කටයුතු කරන ලෙසත්, අවශ්‍ය පියවර ගැනීමට ආපදා කළමනාකරණ අංශ දැනුවත් කර ඇති බවත් එම දෙපාර්තමේන්තුව වැඩිදුරටත් පවසා ඇත.

තාමත් ලංකාවෙන් ඉවතට නොගිය අඩුපීඩන කලාපය ගැන දැනුම්දීමක් - අද වෙන්නේ මේකයි

අද උදේ 6 වන විට තත්ත්වය මේකයි - පහත්බිම්වල සහ ගංඟා ආශ්‍රිතව සිටින පිරිස් වෙත වාරිමාර්ගයෙන් දැනුම්දීමක්

නැවතත් එල්ලිනෝ තත්ත්වයක් - විශේෂ හෙළිදරව්වක්