පුතා ඝාතනය කල පියා සිර මැදිරිය තුළ ගෙල වැළලාගෙන..
Piyumika
තම පුත්‍රයා ඝාතනය කර රක්ෂිත බන්ධනාගාරගත කර සිටි පුද්ගලයෙකු ඊයේ (03) පස්වරුවේ සිර මැදිරිය තුළ ගෙල වැළලාගෙන අසාධ්‍ය තත්ත්වයට පත්ව රෝහල්ගත කළ බව පොළොන්නරුව පොලිසිය පැවසීය.
මෙම රැඳවියා සිරගත කර ඇත්තේ පසුගියද දිනෙක (30) තම පුත්‍රයාට තියුණු ආයුධයකින් පහර දී සිදු කරනු ලැබූ ඝාතනයකට වරදකරු වීම හේතුවෙණි.
දෙහිඅත්තකණ්ඩිය, සේරුපිටිය ප්‍රදේශයේ පදිංචි 47 හැවිරිදි වියෙහි පසුවන මෙකී සැකකරුගේ පහරදීමෙන් 24 හැවිරිදි සඳුන් නිමන්ත නමැති තරුණයෙකු ජීවිතක්ෂයට පත් වීම හේතුවෙන් ඔහු මෙලෙස බන්ධනාගාර ගත කොට ඇත .
මෙම රැඳවියාව එදින පොළොන්නරුව පොලිසිය විසින් අත් අඩංගුවට ගනු ලැබූ අතර; අධිකරණයට ඉදිරිපත් කිරීමෙන් අනතුරුව නියෝග කෙරුණේ හෙතෙම රක්ෂිත බන්ධනාගාරගත කරන ලෙසටය.
සැකකාර රැඳවියා මේ වනවිට (04) පොළොන්නරුව රක්ෂිත බන්ධනාගාරයේ නිලධාරීන්ගේ ආරක්‍ෂාව යටතේ ප‍්‍රතිකාර ගන්නා බව සදහන් වේ.
