මධ්‍යම අධිවේගී මාර්ගයේ රඹුක්කන - ගලගෙදර කොටසේ ඉදිකිරීම ගැන අලුත් ආරංචියක්

මධ්‍යම අධිවේගී මාර්ගයේ රඹුක්කන-ගලගෙදර කොටසේ ඉදිකිරීම් මෙම වසර තුළ ආරම්භ කිරීමට රජය සැලසුම් කර ඇති බව ප්‍රවාහන හා මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා අනාවරණය කළේය.

අධිවේගී මාර්ගයේ පොතුහැර-රඹුක්කන කොටසේ ඉදිකිරීම් 2027 සැප්තැම්බර් වන විට අවසන් කිරීමට සැලසුම් කර ඇති අතර, ඉතිරි රඹුක්කන-ගලගෙදර කොටසේ වැඩ මෙම වසර තුළ ආරම්භ කිරීමට අපේක්ෂා කරන බව ඔහු සඳහන් කළේය.

මධ්‍යම අධිවේගී මාර්ගයේ රඹුක්කන-ගලගෙදර කොටස සඳහා අපේක්ෂිත ආයෝජනය පිළිබඳ ප්‍රශ්නයකට පිළිතුරු දෙමින් නියෝජ්‍ය අමාත්‍යවරයා පැවසුවේ, “අපට ටෙන්ඩරයක් නිකුත් කරලා තමයි බලන්න වෙන්නේ” යනුවෙනි.

රාජ්‍ය සේවයේ වැටුප් විෂමතාවට කොමිසමක් ඉල්ලයි

පසුගිය මාසයේ නැවත ආරම්භ කළ අධිවේගී මාර්ගයේ කඩවත-මීරිගම කොටසේ ඉදිකිරීම් අදියර දෙකකින් සිදු කරන බවත් ඔහු තවදුරටත් අනාවරණය කළේය.

“කඩවත-මිරිගම කොටස කොටස් දෙකකින් සමන්විතයි. එකක් වන්නේ මාගා ඉංජිනියරින් විසින් ඉදිකරමින් පවතින ආරම්භක ස්ථානය දක්වා මීටර් 500ක දිග මාර්ගයයි. කිලෝමීටර් 37ක් පමණ වන ඉතිරි කොටස මෙටලර්ජිකල් කෝපරේෂන් ඔෆ් චයිනා ලිමිටඩ් (MCC) ඉදිකිරීම් යටතේ පවතිනවා” යැයි ඔහු පැවසීය.

කාලෙකට පස්සේ ඩඩ්ලි සිරිසේන කට අරී

කඩවත-මිරිගම කොටස සඳහා 2019 දී චීන අපනයන-ආනයන (එක්සිම්) බැංකුව සමඟ අත්සන් කළ මුල් ණය පහසුකම ඩොලර් මිලියන 989ක් වූ අතර, එයින් ඩොලර් මිලියන 51.5ක් පමණක් ලබාදී තිබේ. 2022 දී රටේ ණය පැහැර හැරීමත් සමඟ ගෙවීම් අත්හිටුවන ලද අතර, භෞතික වැඩවලින් 36.38%ක් පමණක් අවසන් වූ විට ඉදිකිරීම් නතර විය. දීර්ඝ සාකච්ඡාවලින් පසුව, චීන එක්සිම් බැංකුව නව කොන්දේසි මත අරමුදල් නැවත ආරම්භ කිරීමට එකඟ වී ඇත.

ඉතිරි ඩොලර් මිලියන 938 වෙනුවට, ශ්‍රී ලංකාවට දැන් ලැබෙන්නේ ඩොලර් මිලියන 500ක් පමණක් වන අතර, එය ලැබෙන්නේ ද අමෙරිකානු ඩොලර්වලින් නොව යුවාන්වලිනි. ඉතිරි ඩොලර් මිලියන 438 ශ්‍රී ලංකා රජය විසින් සපයනු ලැබේ. ව්‍යාපෘතියේ පිරිවැයෙන් 15%ක් ලෙස දේශීයව මූල්‍යකරණය කිරීමට මුලින් අදහස් කරන ලද ‘රජයේ කොටස’ දැන් නව ණය ගැනීම් හරහා ආවරණය කිරීමට අපේක්ෂා කෙරේ.

රටම කළුවරේ - විදුලිය බිද වැටුණත් හදන්න අමාරුයිලු