ඩොලරයේ මිල යළිත් ඉහළට- ලංකාවේ ප්‍රධාන බැංකු රැසක අද මිල ගණන් මෙන්න

අද දින ශ්‍රී ලංකාවේ වාණිජ බැංකු වල ඇමරිකානු ඩොලරයට සාපේක්ෂව ශ්‍රී ලංකා රුපියල තවදුරටත් අවප්‍රමාණය වී ඇති අතර, සඳුදා දිනයට සාපේක්ෂව, සමහර බැංකු වල විකුණුම් අනුපාතිකය රු. 339 දක්වා ළඟා වී තිබේ.

සෙලාන් බැංකුවට අනුව, ඇමරිකානු ඩොලරයේ මිලදී ගැනීමේ සහ විකිණීමේ අනුපාත පිළිවෙලින් රු. 329.50 සහ රු. 339.75 ලෙස නොවෙනස්ව පවතී.

NDB බැංකුවේ, ඇමරිකානු ඩොලරයේ මිලදී ගැනීමේ අනුපාතිකය රු. 329.75 සිට රු. 330.00 දක්වා ඉහළ ගොස් ඇති අතර, විකුණුම් අනුපාතිකය ද රු. 338.75 සිට රු. 339.00 දක්වා ඉහළ ගොස් තිබේ.

මඟුලකට ආයෝජනයකට රත්තරන් ගන්න හිතන් ඉන්නවද? අදනම් ඒකට හොඳම දවසක් - මෙන්න අද ලංකාවේ රන්මිල

මහජන බැංකුවේ, ඇමරිකානු ඩොලරයේ මිලදී ගැනීමේ අනුපාතිකය රු. 328.23 සිට රු. 328.48 දක්වා ඉහළ ගොස් ඇති අතර, විකුණුම් අනුපාතිකය ද රු. 338.56 සිට රු. 338.81 දක්වා ඉහළ ගොස් තිබේ. කොමර්ෂල් බැංකුව වාර්තා කරන්නේ එක්සත් ජනපද ඩොලරයේ ගැනුම් අනුපාතිකය සහ විකුණුම් අනුපාත පිළිවෙලින් රුපියල් 328.31 සහ රුපියල් 338.25 ලෙස නොවෙනස්ව පවතින බවයි.

සම්පත් බැංකුවේ, ගැනුම් සහ විකුණුම් අනුපාත පිළිවෙලින් රුපියල් 329.50 සිට රුපියල් 330.00 දක්වා සහ රුපියල් 338.50 සිට රුපියල් 339.00 දක්වා ඉහළ ගොස් තිබේ.