මෙදා පාර නම් ලේසි වෙන්නේ නෑ..ඩයනා ගමගේ ගැන ඇහෙන අලුත්ම ආරංචිය..

හිටපු රාජ්‍ය අමාත්‍ය ඩයනා ගමගේ මහත්මියට එරෙහිව, කූට ලේඛන ඉදිරිපත් කර විදේශ ගමන්බලපත්‍රයක් ලබා ගත්තේ යැයි චෝදනා කරමින් නීතිපතිවරයා විසින් ගොනුකර තිබෙන චෝදනා පත්‍රය අද (9) කොළඹ මහාධිකරණය හමුවේ කියවනු ලැබීය.

මෙම නඩුව කොළඹ මහාධිකරණ විනිසුරු මංජුල තිලකරත්න මහතා ඉදිරියේ කැඳවනු ලැබු අවස්ථාවේදී මෙම චෝදනා කියවාදීම සිදු කෙරුණි.

ඉන් අනතුරුව එම චෝදනාවලට තමන් නිවැරදිකාරිය බව විත්තිකාර ඩයනා ගමගේ මහත්මිය සඳහන් කළාය. එහිදී ජනාධිපති නීතිඥ ශානක රණසිංහ මහතා, විත්තිය වෙනුවෙන් පෙනී සිටිමින් මූලික විරෝධතා මතුකරමින් මෙම නඩුවට පාදක වන ලියවිල්ල සකස් කොට ඇත්තේ 2003 වසරේ දී බව සඳහන් කළේය.

එහෙත් ඊට අදාළව නඩු පවරනු ලැබුවේ 2024 වසරේ බව පෙන්වා දුන් ජනාධිපති නීතිඥවරයා, ඒ අනුව වසර 20කට වැඩි කාලයක් ගතවී ඇති හෙයින් අදාළ ලියවිල්ල සම්බන්ධයෙන් නඩු පැවරීමට නීතිමය හැකියාවක් නොමැති බවට තර්ක කළේය.

ඉදිරිපත් වූ කරුණු සලකාබැලූ මහාධිකරණ විනිසුරුවරයා සඳහන් කළේ මෙම කරුණ නඩු විභාගයේදී සලකා බලන බවය. ඒ අනුව නඩුව මාර්තු මස 05 වනදා විභාගයට ගැනීමට විනිසුරුවරයා නියෝග කළේය.