මහ පාන්දර මුනිඳුගේ කිරුළ ගත්තේ කවුද?

කඳාන සාන්ත සෙබස්තියන් සිද්ධස්ථානයේ තැන්පත් කර තිබූ වසර 175කට වඩා පැරණි ශුද්ධවූ සෙබස්තියන් මුනිඳුන්ගේ පෙරහර ප්‍රතිමාවෙහි වූ රන් ආභරණය, ඔටුන්න හා ඊතල 7ක් යම්කිසිවෙක් සොරගෙන තිබෙනවා.

ඊයේ (01) අලුයම මෙම සොරකම සිදු කර ඇති බවත්, එම තැනැත්තා සිද්ධස්ථානයට පැමිණෙන අයුරු එහි සීසීටීවී කැමරාවක සටහන්ව ඇති බවත්, පසුව එම පුද්ගලයා ප්‍රතිමාව ද රැගෙන පලාගොස් ඇති බවත් පොලිසිය පවසනවා .

අලුයම 2ත් 3ත් අතර කාලය තුළදී මෙම සොරකම සිදුව තිබූ අතර, ඒ පිළිබඳ සැලවීමත් සමඟ ප්‍රදේශවාසීන් හා පොලීසිය සිද්ධස්ථානයට පැමිණ ඒ විමර්ශන ආරම්භ කර තිබෙනවා.

ඉන් පසුව පැය 8කට අධික කාලයක් සිදුකළ සෝදිසියකින් පසු ප්‍රතිමාව සොයාගැනුණේ සිද්ධස්ථානයට යාබද ප්‍රාථමික පාසලක වහලයක් මත පොහොර උරයක දමාගොස් තිබියදීය.

ප්‍රතිමාවේ තිබු ඔටුන්න, ඊතල හා රන් භාණ්ඩ එම තැනැත්තා සොරාගෙන ගොස් ඇති බව පොලීසිය පැවසුවා.

පොලිස් කණ්ඩායම් කිහිපයක් එක්ව විමර්ශන ආරම්භ කර ඇතත් සැකකරු සොයාගන්නට මෙතෙක් හැකිවී නැත.

මේ අතර එම ප්‍රතිමාව යළි සිද්ධස්ථානය තුළ තැන්පත් කොට ඊයේ විශේෂ ආශිර්වාද දේව මෙහෙයක්ද පවත්වා තිබෙනවා.

එම ප්‍රතිමාව 1848 වසරේදී දේවස්ථානයට ලැබී ඇති අතර, එය දිවයිනේ විවිධ ප්‍රදේශවල දහස් ගණනක බැතිමතුන්ගේ මහත් භක්ත්‍යාදරයට පාත්‍රවූවකි.

තැනින් තැනින් මතුවන මළ සිරුරු - මොකද්ද මේ වෙන්නේ??

ශ්‍රී ලංකාවෙන් මියන්මාරයට දෙන මිලියන ගානක මනුස්සකම