රටම කළඹපු මීගමුව බන්ධනාගාර ගැටුමෙන් මියගිය නිලධාරීන්ගේ පවුල්වලට ලක්ෂ 20 බැගින් වන්දි

 මී ගමුව බන්ධනාගාරයේ ඇති වූ ගැටුම අතරතුර ජීවිතක්ෂයට පත්වූ බන්ධනාගාර නිලධාරීන් වෙනුවෙන් වන්දි මුදල් පිරිනැමීම අද (21) බන්ධනාගාර මූලස්ථානයේදී සිදු කර ඇත.

  එහිදී ජීවිතක්ෂයට පත් වූ එක් නිලධාරියෙකු වෙනුවෙන් රුපියල් ලක්ෂ 20ක මුදලක් එම නිලධාරීන්ගේ ඥාතීන්ට හා දූ දරුවන්ට පිරිනැමීම සිදුව තිබේ මීගමුව බන්ධනාගාරයේ ඇති වූ කැරැල්ල අතරතුරදී බන්ධනාගාර හදිසි ප්‍රතිචාර උපක්‍රමික ඒකකයේ නිලධාරීන් 10 දෙනෙකු ජීවිතක්ෂයට පත්විය.

 ඒ අනුව ඔවුන්ගේ ඥාතීන්ට ජාතික රක්ෂණ භාරකාර අරමුදලේ අග්‍රහාර රක්ෂණ ගෙවීම යටතේ මෙම වන්දි මුදල් ප්‍රදානය කිරීම අද සිදු කර ඇත .

මෙහිදී අදහස් දක්වමින් ජාතික රක්ෂණ භාරකාර අරමුදලේ ප්‍රධාන විධායක නිලධාරී යුශාන් තරංග මහතා පැවසුවේ මෙවැනි අනපේක්ෂිත අවස්ථාවකදී රක්ෂණ භාර අරමුදල විසින් ඔවුන්ගේ සියලුම තොරතුරු ලබා ගැනීමකින් තොරව මෙම අවස්ථාවට මුහුණ දුන් බන්ධනාගාර නිලධාරීන් වෙත මෙම වන්දි මුදල් ඉතා ඉක්මනින් සහ කඩිනමින් ගෙවීමට තීරණය කර ඇත.

''ඔබ හට පෙම් කළ යුගය නිමා කර වෙන් වී යන්නට දවස පැමිණ ඇත" - නන්දා මාලනියන්ගේ අභාවයෙන් හදවත සසල වූ අභිෂේකාගේ සංවේදී සටහන

මියගිය බන්ධනාගාර නිලධාරීන්ගේ පවුල් සඳහා වන්දි මුදල් පමණක් නොව තවත් සහන රැසක් ලබා දීමේ වැඩපිළිවෙළක් බන්ධානාර දෙපාර්තමේන්තුව විසින් ආරම්භ කර ඇති බවත් මෙම අවස්ථාවට එක්වෙමින් බන්ධනාගාර වැඩබලන කොමසාරිස් ජනරාල් ප්‍රසාද් හේමන්ත මහතා ප්‍රකාශ කර තිබේ