2014 සිදුවීම 2026දීත් ආපසු කැරකෙයි- ග්ලාස්ගෝ ගිය ක්‍රීඩකයින් පිරිසක් මගදී අතුරුදන්

ස්කොට්ලන්තයේ ග්ලාස්ගෝ නුවර පැවති 2026 පොදුරාජ්‍ය මණ්ඩලීය ක්‍රීඩා උළෙල අවසන් වීමෙන් පසු ක්‍රීඩක ක්‍රීඩිකාවන් කිහිපදෙනෙකු තම කණ්ඩායම් සමඟ මව්රට බලා පිටත්ව නොගොස් පලාගොස් ඇති බව විදෙස් මාධ්‍ය සදහන් කර ඇත

ස්කොට්ලන්ත පොලීසිය සඳහන් කළේ, ක්‍රීඩක ක්‍රීඩිකාවන් කිහිපදෙනෙකු සම්බන්ධයෙන් "සොයාගත නොහැකි" බවට පැමිණිලි ලැබී ඇත. මේ සම්බන්ධව විමර්ශන ආරම්භ කර තිබේ.

එමෙන්ම එක්සත් රාජධානියේ අභ්‍යන්තර කටයුතු අමාත්‍යාංශය සමඟද මේ සම්බන්ධයෙන් සම්බන්ධීකරණ කටයුතු සිදු කෙරේ. විදෙස් වාර්තාවලට අනුව, උගන්ඩා බොක්සිං කණ්ඩායමේ සාමාජිකයන් සිව්දෙනෙකු තම කණ්ඩායම සමඟ මව්රට බලා පිටත්ව ගොස් නොමැති අතර, ඔවුන් ස්කොට්ලන්තයේ සරණාගතභාවය ඉල්ලා සිටීමට අපේක්ෂා කරන බව එම කණ්ඩායමේ සාමාජිකයෙකු ප්‍රකාශ කර ඇතැයි සඳහන් වේ.

අතුරුදන් වූ උගන්ඩා ක්‍රීඩකයින් ලෙස නුහු බට්ටේ (Nuhu Batte), ඇන්ජල් කටුෂාබේ (Angel Katushabe), ඉබ්‍රාහිම් කෙමිස් (Ibrahim Kemis) සහ එමිලි නකලේමා (Emily Nakalema) යන ක්‍රීඩක ක්‍රීඩිකාවන් නම් කර ඇත.

   මේ අතර, පාකිස්තාන බොක්සිං කණ්ඩායමේ ක්‍රීඩක කුද්රතුල්ලා (Qudratullah) ද සිය කණ්ඩායම සමඟ ආපසු නොගොස් අතුරුදන් වී ඇති බව පාකිස්තාන මාධ්‍ය සදහන් කරයි .

හෝමුස් සමුද්‍ර සන්ධියේ ගැටලුව අවසන් වන ලකුණු - ලෝක බොරතෙල් මිල පහළටම

2014 වසරේද ග්ලාස්ගෝහි පැවති පොදුරාජ්‍ය මණ්ඩලීය ක්‍රීඩා උළෙලෙන් පසුවද ක්‍රීඩක ක්‍රීඩිකාවන් රැසක් අතුරුදන් වූ අතර, ඔවුන්ගෙන් ඇතැමුන් සරණාගතභාවය ඉල්ලා තිබූ අතර තවත් පිරිසක් සම්පූර්ණයෙන්ම අතුරුදන් වූ බව විදෙස් මාධ්‍ය වාර්තා කර තිබේ කෙසේවෙතත්, අනාගතයේදී ඉදිරිපත් කෙරෙන ඕනෑම සරණාගත අයදුම්පතක් එක් එක් සිද්ධියේ කරුණු සහ සාක්ෂි අනුව වෙන වෙනම සලකා බලන බව එක්සත් රාජධානියේ බලධාරීන් සඳහන් කර තිබේ .