මහ බැංකු වාර්තාවෙන් සතුටු හිතෙන ආරංචියක් - කොළඹ කොටස් වෙළෙඳපොළේ කැපී පෙනෙන වර්ධනයක්

ශ්‍රී ලංකා මහ බැංකුවේ පසු­ගිය සතියේ නිකුත් වූ ආර්ථික දත්ත වාර්තා­වට අනුව කොළඹ කොටස් වෙළෙ­ඳ­පොළේ කැපී පෙනෙන වර්ධ­න­යක් පෙන්නුම් කර ඇත.

ඒ අනුව සියලු කොටස් මිල දර්ශ­කය (ASPI) සිය­යට 1.18කින් ඉහළ ගොස් ඒකක 21,623.17ක් ලෙසත්, එස් ඇන්ඩ් පී ශ්‍රී ලංකා 20 (S&P SL 20) දර්ශ­කය සිය­යට 1.30කින් ඉහළ ගොස් ඒකක 6,065.72ක් ලෙසත් සට­හන් වී ඇතැයි එම වාර්තාවේ සඳහන් වේ .

ඇමෙ­රි­කානු ඩොල­ර­යට සාපේ­ක්ෂව ශ්‍රී ලංකා රුපි­යලේ අගය වසරේ මේ දක්වා (Year-to-date) කාලය තුළ සිය­යට 7.1ක අව­ප්‍ර­මා­ණය වීමක් වාර්තා කර තිබේ

දේශීය මූල්‍ය වෙළෙ­ඳ­පොළ තුළ වාණිජ බැංකු මගින් සිය ප්‍රමු­ඛ­පෙළේ ගනු­දෙ­නු­ක­රු­වන්ට ලබා­දෙන සාමාන්‍ය බරිත ප්‍රමුඛ ණය අනු­පා­ති­කය (AWPR) පසු­ගිය සති­යට සාපේ­ක්ෂව පද­නම් ප්‍රසාද ලකුණු 19කින් ඉහළ ගොස් සිය­යට 10.95ක් ලෙස සට­හන්ව ඇත

ජූනි මාසයේ කාර්මික නිෂ්පා­දන දර්ශ­කය (IIP) සිය­යට 0.8කින් ඉහළ ගොස් 99.2ක් ලෙස සට­හන් විය.

ඒ සඳහා ආහාර නිෂ්පා­දන (සිය­යට 6.8ක වර්ධ­න­යක්) සහ ලෝහ නොවන ඛනිජ නිෂ්පා­දන (සිය­යට 7.2ක වර්ධ­න­යක්) ප්‍රධාන වශ­යෙන් දායක වී ඇති බවයි ශ්‍රී ලංකා මහ බැංකුව සඳහන් කර තිබේ .