වෙනිසියුලාවට එල්ල කරන ලද ඇමරිකානු ප්‍රහාරයට එරෙහිව කොල්ලුපිටියේ විරෝධතාවක්

පෙරටුගාමී සමාජවාදී පක්ෂයේ සංවිධායතාවයෙන් අද (05) කොළඹ කොල්ලුපිටියේ එක්සත් ජනපද තානාපති කාර්යාලය ඉදිරිපිට විරෝධතාවයක් පැවැත්වීමට නියමිතය.

මෙම විරෝධතාවයේ ප්‍රධාන ඉල්ලීම වන්නේ වෙනිසියුලානු අභ්‍යන්තර කටයුතුවලට එක්සත් ජනපදයේ මැදිහත්වීම වහාම නතර කරන ලෙසත්, ලතින් ඇමරිකානු කලාපයේ සිදුකරන මැදිහත්වීම්ද නතර කරන ලෙසත්ය.

ආණ්ඩුව මහන්සි වෙනවා.. හැබැයි වැඩේ ෆේල් - මහින්දත් එළියට බහී

සංවිධායකයන්ට අනුව, විරෝධතාකරුවන් වෙනිසියුලානු ජනාධිපති නිකොලස් මධුරෝ සහ ඔහුගේ බිරිඳ සීලියා ෆ්ලෝරස් අත්අඩංගුවට ගැනීමේ එක්සත් ජනපද මෙහෙයුම "අධිරාජ්‍යවාදී මැදිහත්වීමක්" ලෙස හෙළා දකිමින් සටන්පාඨ කියවීමට සහ බැනර් ප්‍රදර්ශනය කිරීමට සැලසුම් කර ඇත.

විරෝධතාවයට පෙර සමාජ මාධ්‍යවල සංසරණය වූ බැනරයක දැක්වෙන්නේ "එක්සත් ජනපදයේ අධිරාජ්‍යවාදී ප්‍රතිපත්ති වෙනිසියුලාවේ දේශපාලනයට බලපෑම් කිරීමට උත්සාහ කරනවා" යන චෝදනාවයි. මෙම බැනරය පක්ෂයේ නිල සමාජ මාධ්‍ය ගිණුම්වලද පළ වී ඇති බව වාර්තා වේ.

මෙම විරෝධතාවය පැවැත්වෙන ස්ථානය ආසන්නයේ පොලිස් ආරක්ෂාව තර කර ඇති අතර, සාමකාමීව පැවැත්වීමට සංවිධායකයන්ගෙන් ඉල්ලීමක් කර ඇත. පෙරටුගාමී සමාජවාදී පක්ෂය මීට පෙරද විදේශීය මැදිහත්වීම්වලට එරෙහිව කොළඹදී විරෝධතා සංවිධානය කර ඇති අතර, මෙවරත් සහභාගිත්වය සැලකිය යුතු වනු ඇති බව අපේක්ෂා කෙරේ.