ලෝකෙම කණපිට හැරෙන්නයි යන්නේ - පැත්තකින් උෂ්ණත්වයේ ඉහල යෑමක් අනිත් පැත්තෙන් අයිස් තට්ටු දියවී ගංවතුර තත්ත්වයක් - ඉදිරිය අතිශය දරුණුයි

අසාමාන්‍ය ලෙස ඉහළ යන උෂ්ණත්වය, අධික වර්ෂාපතනය සහ ග්ලැසියර සීඝ්‍රයෙන් දියවීම හේතුවෙන් මේ වසරේ ගිම්හාන කාලයේදී ඇති විය හැකි "අතිශය දරුණු ගංවතුර" තත්ත්වයන් සඳහා සූදානම් වන ලෙස චීනය එරට වයඹදිග ෂින්ජියැන්ග් (Xinjiang) සහ ඒ අවට ප්‍රදේශවල වැසියන්ට අනතුරු අඟවා ඇත.

චීනයේ විශාලතම කාන්තාරය වන ෂින්ජියැන්ග් හි තක්ලමකාන් (Taklamakan) කාන්තාරය, ජුනි මාසයේ මුල් භාගයේදී මේ වසරේ සිය ප්‍රථම ගංවතුර තත්ත්වයට මුහුණ දුන් බව චීන රාජ්‍ය රූපවාහිනිය වාර්තා කර ඇත.

බිහිසුණු අවදානමක් ලංකාවට - හදිසියේම ජනාධිපති ඇතුළු පිරිස රැස්වෙයි - කන්න බොන්නවත් නැතිවෙන එල් නිනෝ තත්ත්වය අතළග

සාමාන්‍යයෙන් දැඩි වියළි ස්වභාවයක් ගන්නා වැලි කඳු අතරින් ජලය ගලා යන ආකාරය දැක්වෙන දර්ශන ද එහිදී ප්‍රදර්ශනය කර ඇත. 2021 වසරේ සිට තක්ලමකාන් කාන්තාරය මෙවැනි ගංවතුර තත්ත්වයන්ට මුහුණ දී තිබුණද, සාමාන්‍යයෙන් ඒවා සිදු වන්නේ උෂ්ණත්වය උපරිම මට්ටමකට පත්වන අගෝස්තු මාසයේදීයි. කෙසේ වෙතත්, මේ වසරේ උෂ්ණත්වය ඊට වඩා බොහෝ කලින් ඉහළ ගොස් ඇත.

'රොයිටර් දේශගුණික නිරීක්ෂණ' (Reuters Climate Monitor) දත්තවලට අනුව, ජුනි 12 වන දින වන විට ෂින්ජියැන්ග් හි උෂ්ණත්වය වසරේ මෙම කාලසීමාවේ පවතින සාමාන්‍ය අගයට වඩා සෙල්සියස් අංශක 7.3 කින් ඉහළ ගොස් සෙල්සියස් අංශක 38 ක් (ෆැරන්හයිට් 100 ක්) දක්වා ළඟා වී තිබේ.

බටහිර සහ දකුණු ෂින්ජියැන්ග් ප්‍රදේශවල ද මෑතකදී නිතර නිතර වර්ෂාපතනයක් දක්නට ලැබේ. විදෙස් මාධ්‍ය වාර්තා කරන්නේ ඇතැම් ප්‍රදේශවල වර්ෂාපතනය ජුනි මස මුල් භාගයේ පවතින ඓතිහාසික සාමාන්‍ය අගය මෙන් දෙගුණයකින් හෝ තෙගුණයකින් ඉහළ ගොස් ඇති බවයි. මෙම දැඩි උණුසුම සහ වර්ෂාපතනයේ එකතුව කාන්තාර ගංවතුර තත්ත්වයන් නිර්මාණය වීමට හේතු වී ඇත.

ජූනි 15 සිට රටටම වෙන්න යන දේ මෙන්න - රජයෙන් විශේෂ සතියක් ප්‍රකාශයට

ටියැන්ෂාන් (Tianshan) සහ කුන්ලුන් (Kunlun) කඳුවල පවතින විශාල ග්ලැසියර සහ හිම තට්ටු දියවී, එම ජලය චීනයේ දිගම අභ්‍යන්තර ජල මාර්ගය වන තාරිම් (Tarim) ගඟට වේගයෙන් ගලා විත් තිබේ.

විදෙස් මාධ්‍ය වාර්තා කරන්නේ මෙම ජල ගැලීම හේතුවෙන් ගංගාවේ ඉවුරු බිඳී ගොස්, කාන්තාරයේ පහත් බිම් වෙත ජලය ගලා ගිය බවයි. විශේෂඥයෝ පවසන්නේ මෙම සෘතුමය ගංවතුර හේතුවෙන් තාවකාලිකව කෙටි කාලීන ක්ෂේම භූමි නිර්මාණය විය හැකි වුවද, ඒවා දිගුකාලීනව පවතිනු ඇතැයි සිතිය නොහැකි බවයි.

ඊට හේතුව තක්ලමකාන් කාන්තාරය ගොඩබිම ඇතුළත පිහිටා තිබීම සහ උස් කඳුවලින් වටවී තිබීම නිසා, එහි පවතින අඩු තෙතමනය සහ අධික වාෂ්පීකරණය හේතුවෙන් එම භූමිය ඉතා ඉක්මනින් නැවත වියළී යාමයි. නිලධාරීහු අනතුරු ඇඟවන්නේ මෙම ජලය ප්‍රාදේශීය වනාන්තර සඳහා අත්‍යවශ්‍ය වාරිමාර්ග සැපයුමක් ලබා දුන්නද, යටිතල පහසුකම් සඳහා ඉන් දැඩි අවදානමක් පවතින බවයි.