මිනිස්සුන්ගේ ආධ්‍යාත්මය කඩාගෙන වැටෙනවා - බුදුදහමට තියෙන ආදරේ නිසා හිටපු ජනාධිපතිනි චන්ද්‍රිකා කියපු කම්පා කරවන කතාව [VIDEO]

ශ්‍රී ලංකාවේ බුද්ධාගම ආරක්ෂා කිරීම සඳහා කඩිනම් ප්‍රතිසංස්කරණ අවශ්‍ය බව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය පවසයි.

පූජක පක්ෂය සම්බන්ධව නැවත නැවතත් එල්ල වන විෂමාචාර චෝදනා හේතුවෙන් මහජන විශ්වාසය, විශේෂයෙන් තරුණ පරම්පරාව අතර, බිඳ වැටෙමින් පවතින බව ඇය අනතුරු අඟවා තිබේ.

විශේෂ වීඩියෝ ප්‍රකාශයක් නිකුත් කරමින් ඇය සඳහන් කළේ බෞද්ධ භික්ෂූන් සම්බන්ධ මෑත කාලීන සිදුවීම් හේතුවෙන් රටේ බොහෝ පිරිසක් දැඩි කනස්සල්ලට පත්ව සිටින බවයි.

මත්ද්‍රව්‍ය සම්බන්ධ චෝදනා මත භික්ෂූන් වහන්සේලා අත්අඩංගුවට ගැනීම සහ ප්‍රමුඛ විහාරස්ථානයක නායකයෙකු සම්බන්ධයෙන් එල්ල වී ඇති ලිංගික අතවර චෝදනාද ඇය මෙහිදී සඳහන් කර තිබේ.

හැමදාම මගේ සොඳුරු මතකයක් වෙලා ඉඳීවි මේ සසරේ කොතනකදි හරි නැවත හමුවෙමු භූමි වෙනුවෙන් උදාරිත් සංවේදී වෙයි

එවැනි සිදුවීම් බෞද්ධ සමාජයේ විශ්වාසයට දැඩි ලෙස බලපාන බවත්, ආගමික ආයතන කෙරෙහි විශ්වාසය අහිමි වීම සමාජයට, විශේෂයෙන් තරුණ පරම්පරාවට, බරපතල ප්‍රතිවිපාක ඇති කළ හැකි බවත් ඇය අවධාරණය කළාය.

තවද, මෙම ගැටලු සම්බන්ධයෙන් දේශපාලන නායකයින් බොහෝ දුරට නිහඬව සිටීම පිළිබඳවද ඇය කනස්සල්ල පළ කර තිබේ. හිටපු ජනාධිපතිනිය වැඩිදුරටත් සඳහන් කළේ බෞද්ධ භික්ෂු පද්ධතිය තුළ ප්‍රතිසංස්කරණ සඳහා ජ්‍යෙෂ්ඨ මහානායක හිමිවරුන් වෙත ලිපියක් යොමු කළ බවත්, එය ධනාත්මකව පිළිගත් බවත්ය. ඒ අනුව, ජ්‍යෙෂ්ඨ භික්ෂූන් වහන්සේලා, සිවිල් සමාජ නියෝජිතයින් සහ අනෙකුත් ආගමික නායකයින් එක්කර කමිටුවක් පිහිටුවීම යෝජනා කර ඇති බවද ඇය පැවසුවාය. බුද්ධ ශාසනය ආරක්ෂා කිරීමට සහ මහජන විශ්වාසය නැවත ගොඩනැගීමට ශක්තිමත් නීතිමය හා ආයතනික යාන්ත්‍රණයක් අවශ්‍ය බවත්, එම නිර්දේශ ක්‍රියාත්මක කිරීමට රජය පියවර ගත යුතු බවත් ඇය අවධාරණය කළාය

ආගමික ආයතන ආරක්ෂා කිරීම නායකයින්ගේ මෙන්ම පුරවැසියන්ගේද පොදු වගකීමක් බව සඳහන් කරමින්, වැරදි ක්‍රියා හමුවේ නිහඬ නොවී ක්‍රියාත්මක වන ලෙසද ඇය මහජනතාවගෙන් ඉල්ලා සිටියාය. 

තව දුරටත් එතුමිය සදහන් කළේ මෙවන් අදහසක්  

මිනිසුන්ගේ අධ්‍යාමික පැවැත්මට හේතුවන විශ්වාස කරන දර්ශනය ඒ පද්ධතිඅය පිරිහීමට පත් වෙද්ධී ඒ දේවල් විශ්වාස කරන අය කඩාගෙන වැටෙනවා මෑත කාලයේ භික්ෂූන් වහන්සේලා මත්ද්‍රව්‍ය ගෙනල්ලා , අටමස්ථානයේ නායක හිමි ලාබාල ගෑණු ළමයෙක් දූෂණය කරලා මම පුදුම විදිහට කණගාටුවට පත් වුණ කාරණයක් ඒක නමුත් ඒ ගැන දේපාලන නායකයෝ කතා කළා අඩුයි , දැන් විනය පිටක ඒ වගේම නීති කිසි දෙයක් ක්‍රියාත්මක වෙන්නේ නෑ , අපි බුද්ධ ශාසනය ශෝදනය කරන්න කටයුතු කරන්න ඕනේ අද ගොඩක් දෙනෙක් ගේ ආචාර ධර්ම අඩුයි .ජනතාව මේ වෙනුවෙන් කතා කරන්න , සාධාරණ අරගල කරන්න , බෞද්ධ දර්ශනයට තියන ආදරේ නිසා මම මේ කතා කරන්නේ ''