උපන්දින පාටිය ලේ විලක් කළ වත්තලම භය කරපු වැරදුන වෙඩිල්ලේ සියලු තතු එළියට

වත්තල, පල්ලියවත්ත ප්‍රදේශයේ පිහිටි උත්සව ශාලාවකදී සිදු වූ වෙඩි තැබීමේ සම්බන්ධයෙන් කරුණූ රැසක් මේ වන විට අනාවරණය කර ගැනීමට පොලීසියට හැකියාව ලැබී තිබේ පොලීසිය සදහන් කරන්නේ ඊයේ රාත්‍රි 9.30ට පමණ සිදු වූ මෙම වෙඩිතැබීම මට්ටක්කුලියේ මනෝජ් නැමැත්තා මෙහෙයවා ඇති බවට සැකකරන බවයි.

   මත්ද්‍රව්‍ය ජාවාරම්කරුවකු බවට පැවසෙන කුඩු රොෂාන් නැමැත්තා ඉලක්ක කර වෙඩිතැබීම සිදුකර ඇති බව වාර්තා කර ඇත

පොලීසිය කුඩු රොෂාන්ගේ සහෝදරයාගේ තුන් හැවිරිදි දියණියගේ උපන්දින සාදය ඊයේ පස්වරුවේ පවත්වා ඇති අතර ඝාතනයට ආ වෙඩික්කරු ද සාදයට පැමිණි අයෙක් යැයි හැඟෙන ලෙස නර්තනයේ යෙදෙමින් පැමිණ, පසුව වෙඩිතැබීම සිදුකර ඇති බවයි

කෙසේ වෙතත් වෙඩි තැබීම සිදුකර ඇත්තේ "කුඩු රොෂාන්" හැඳ සිටි ඇඳුමට සමාන ඇඳුමකින් සැරසී සිටි වෙනත් පුද්ගලයෙකුටයි "කුඩු රොෂාන්" එම අවස්ථාවේ දුම්වැටියක් පානය කිරීමට ගොස් සිට ඇති අතර ඔහු එලෙස ගමන් කරන ආකාර උත්සව ශාලාවේ තිබූ CCTV කැමරාවල පටිගත වී ඇත.

තවද වෙඩික්කරුට ඔවුන් දෙදෙනා හඳුනාගැනීමට නොහැකිව මෙම වෙඩිතැබීම සිදුකර ඇති බවට වාර්තා වේ මෙම වෙඩි ප්‍රහාරයට ලක් වූ පුද්ගලයා, කුඩු රොෂාන් සමග උත්සවයට පැමිණ සිටි පුද්ගලයෙකු බව සදහන්ය

පාතාල ගේම් එක පිටුපස සිටියේ ‘කුඩු රොෂාන්’? වත්තල වෙඩි තැබීමේ සියලු තොරතුරු මෙන්න

වෙඩි පහරින් තුවාල ලැබූ පුද්ගලයා කොළඹ ජාතික රෝහලට ඇතුළත් කිරීමෙන් පසු මියගොස් තිබේ

මියගොස් ඇත්තේ, වනාතේ සුමේධ නම් බොරැල්ල වනාතමුල්ල ප්‍රදේශයේ පදිංචිකරුවෙකි. මේ අතර ප්‍රහාරයෙන් පසු වෙඩික්කරු පලායන CCTV දර්ශන පෙළක් ද වාර්තා වී තිබේ.

පොලීසිය විසින් සිදුකළ සෝදිසි කිරීම් හමුවේ ඊයේ රාත්‍රියේදීම වෙඩික්කරු පැමිණි මෝටර් රථය ජා ඇල ප්‍රදේශයේ දමාගොස් තිබියදී සොයාගනු ලැබීය.

සිද්ධිය සම්බන්ධ වැඩිදුර විමර්ශන කැලණිය කොට්ඨාස භාර ජ්‍යෙෂ්ඨ පොලිස් අධිකාරී නුවන් අසංක මහතාගේ මෙහෙයවීමෙන් පොලිස් කණ්ඩායම් 5ක් විසින් සිදු කරනු ලබයී 

Google වෙතින් විප්ලවීය වෙනසක් - දැන් Passwords අමතක වුණත් බිය වෙන්න ඕන නෑ