BMW ලක්‍ෂ 50යි.. සැප වාහන 12ක් ලක්‍ෂ 280යි - රජයේ රහසිගත වාහන වෙන්දේසියක් ?

අපි පුරවැසියෝ සංවිධානය චෝදනා කරන්නේ උතුරු මැද පළාත් සභාව සතු සුඛෝපභෝගී වාහන විසි දෙකක් රහසිගතව ටෙන්ඩර් කැඳවා අඩුමිලට වෙන්දේසි කර ඇති බවයි.

එම සංවිධානයේ කැදවුම්කරු, ලංකා ගුරු සංගමයේ සභාපති ප‍්‍රියන්ත ප‍්‍රනාන්දු මහතා පවසන්නේ අදාල වෙන්දේසියේදී අති සුඛෝපභෝගී වාහන 12ක් රුපියල් මිලියන 28ක මුදලකට අලෙවි වී ඇති බවයි.

‘'උතුරු මැද පළාත් සභාවේ හිටපු ආණ්ඩුකාරවරු මහ ඇමැතිවරු භාවිතා කරපු වාහන විසිදෙකක් පහුගිය දවස්වල රහසිගතව ටෙන්ඩර් කැදවලා ටෙන්ඩර් කරන්න කටයුතු කරල තියෙනව. වාහන විසි දෙකෙන් වාහන දොළහක් ටෙන්ඩර් පිරිනමල තියෙනවා. මේ වාහන 12 අතර තියෙනවා විශේෂයෙන්ම හිටපු මහ ඇමතිවරයා භාවිතා කරපු BMW වර්ගයේ සුඛෝපභෝගී වාහනයක් තියෙනවා. ඒ වගේම ප‍්‍රාඩෝ වාහන තුනක් තියෙනවා. විශේෂයෙන්ම BMW වාහනය නිශ්පාදන වර්ෂය 2014 නිෂ්පාදනය. වර්තමාන වෙළඳපොළ වටිනාකම අපි හොයලා බැලුවා කෝටි තුන හමාරකට ආසන්නයි. ඒ වගේම තමයි ප්‍රාඩෝ තුනක්. ඒ වගේම ඩිෆෙන්ඩර් රථයක්. ඒ වගේම මිට්ෂුබිෂි පෙජරෝ වර්ගයේ වාහන කිහිපයක් ඇතුළු වහන 12හක් තමයි වෙන්දේසි කරල තියෙන්නෙ.වාහන 12ම මිලියන 28කට වාහන දොළහක් දීලා තියෙනව. මේක ප්‍රසිද්ධ කරේ නෑ.

අද ලග්න කිහිපයකම වැයපස ඉහළ යයි...සමාජ සත්කාරත් යෙදෙන දිනයකි

පැහැදිලිවම මේක අපි හොයලා බැලූව මේ ප‍්‍රාඩෝ එකක වර්තමාන වෙළඳපොළ වටිනාකම කෝටි දෙකකටත් එහා විකුණල තියෙන්නේ ලක්ෂ පනහකටත් අඩු මිලකට තමයි මේ ප‍්‍රාඩෝ එකක් විකුණලා තියෙන්නේ.මහ ඇමතිවරයා පාවිච්චි කරපු පසු ආණ්ඩුකාරයක් පාවිච්චි කරපු BMW වාහනය ලක්‍ෂ පනහකට අඩු මිලකට විකුණල තියෙන්නේ. මේවා ඊට වඩා කරන්න පුළුවන්ත ඒ කියන්නේ මිලියන සීයකට එහා අලෙවි කරන්න පුළුවන් වහන ප්‍රමාණයක් දැන් අලෙවි කරලා තියෙන්නේ කීයද මිලියන 28කට. තව තියෙනවා මෙතන වාහන දහයක්. ඒ වහන දහයත් අඩුවෙන් තක්සේරු කරලා වෙලා විකුණන්න සූදානමක් තියෙනව. ඒ හින්ද මේක මගඩියක් හොරකමක් ජාවාරමක්’'

මේ සම්බන්ධයෙන් උතුරු මැද පළාත් සභා ප්‍රකාශකයෙකු සඳහන් කළේ අප්‍රේල් මාසයේදී අදාළ වාහන වෙන්දේසි කල අතර එහිදී එම වාහන පළමු තක්සේරුවට වඩා වැඩි අගයකට වෙන්දේසි වූ බවයි. එක් වාහනයක් පමණක් පළමු තක්සේරුවට වඩා අඩු අගයකට වෙන්දේසි වූ බවද අදාළ වාහන වෙද්දීසි කිරීමෙන් ලැබුණු මුදල සම්බන්ධයෙන් නිශ්චිතව පැවසිය නොහැකි බවත්ය. 

අවදානම ඉහලට... කාලගුණයෙන් දැන් කියපු හදිසි දැනුම් දීම