ණයක් ගන්න හිත හිත හිටපු හැමෝටම මෙන්න සුබ ආරංචියක්

බැංකු ඇතුළු මූල්‍ය ආය­ත­න­ව­ලින් ණය ගෙන, ඒ ණය ගෙවා­ගත නොහැ­කිව සිටින සුළු හා මධ්‍ය පරි­මාණ ව්‍යව­සා­ය­ක­යන්ට බැංකු 15ක් හරහා ලක්ෂ 150ක් දක්වා ණය පහ­සු­කම් සැපයීම දැනටමත් ආරම්භ කර තිබෙන බව මුදල්, ක්‍රම සම්පා­දන හා ආර්ථික සංව­ර්ධන අමා­ත්‍යාං­ශයේ සංව­ර්ධන මූල්‍ය දෙපා­ර්ත­මේ­න්තුවේ අධ්‍යක්ෂ ජන­රාල් මංජුල හෙට්ටි­ආ­රච්චි ප්‍රකාශ කරයි.

ඒ අනුව ඒ යටතේ ණය ආපසු ගෙවී­මට මාස 6ක සහන කාල­යක්ද සහිතව වසර 5ක් දක්වා වන කාල­යක් හිමි වන බව සඳහන්.

මේ අතර ඒ සඳහා අය කරනු ලබන පොලී අනු­පා­තය 8%ක් පම­ණක් බවද හෙට්ටි­ආ­රච්චි මහතා සඳහන් කළා.

ලංකා බැංකුව, මහ­ජන බැංකුව, නේෂන්ස් ට්‍රස්ට් බැංකුව, කොම­ර්ෂල් බැංකුව, සම්පත් බැංකුව, හැටන් නැෂ­නල් බැංකුව, ජාතික සංව­ර්ධන බැංකුව, සෙලාන් බැංකුව, ප්‍රාදේ­ශීය සංවර්ධන බැංකුව, ඩීඑ­ෆ්සීසී, සණස සංව­ර්ධන බැංකුව, පෑන් ඒෂියා බැංකුව, යූනි­යන් බැංකුව, කාර්ගිල්ස් බැංකුව හා රාජ්‍ය උකස් හා ආයෝ­ජන බැංකුව ඔස්සේ මෙම ණය පහ­සු­කම් සල­සා­ගත හැකි බව පවසයි.

අස්වැසුම යටතේ පවුල් ලක්ෂ 12කට සුභ ආරංචියක්

එසේම මෙහි විශේ­ෂ­ත්වය නම් ඇප වශයෙන් ඉඩම් ඇතුළු දේපළ ලබා­දී­මෙන් තොරව ණය ලබා­ගත හැකි වීමයි.

තවද මීට පෙර බැංකු ණය ගෙන, එම ණය ගෙවා ඇති හෝ නිසි ලෙස ගෙව­මින් සිටින සුළු හා මධ්‍ය පරි­මාණ ව්‍යව­සා­ය­ක­ය­න්ටද වසර 10ක් දක්වා 7% අඩු පොලි­ය­කට ණය ගත හැකි බව ද දන්වයි.

ඒ අනුව ඔවුන්ට ලක්ෂ 250 දක්වා ණයක් ගත හැකි බවද හෙට්ටි­ආ­රච්චි මහතා ප්‍රකාශ කරයි.

එමෙන්ම ඒ සඳහා වස­රක ණය ආපසු ගෙවීමේ සහන කාල­යක්ද හිමි වනු ඇති බව සඳහන්.

ආදායම් බලපත්‍ර නැති වාහනවලට මෙන්න සුබ ආරංචියක්

රත්තන් ගැන සුභ ආරංචියක් අද රන් මිල මෙන්න