ගෑස් මිල අඩු වීමත් සමඟ බේකරි නිෂ්පාදන මිලට මොකද වෙන්නේ? බේකරි හිමියන්ගේ සංගමයෙන් නිවේදනයක්

ගෑස් මිල අඩු කළත් බේකරි නිෂ්පාදනවල මිල අඩු කළ නොහැකි බව සමස්ත ශ්‍රී ලංකා බේකරි හිමියන්ගේ සංගමයේ සභාපති එන්.කේ. ජයවර්ධන මහතා පැවසීය. ගෑස් මිල සුළු ප්‍රමාණයකට අඩු කර ඇති නිසා බේකරි නිෂ්පාදනවලට කිසිදු ප්‍රතිලාභයක් නොමැති බව ඔහු තවදුරටත් පෙන්වා දුන්නේය.

ශ්‍රී ලංකාවේ ලිට්‍රෝ සහ ලාෆ්ස් සමාගම් විසින් ගෑස් මිල අඩු කිරීමෙන් පසු, අවන්හල්වල අලෙවි කරන සමහර ආහාර ද්‍රව්‍යවල මිල ද අඩු කර ඇත. කෙසේ වෙතත්, සමස්ත ශ්‍රී ලංකා බේකරි හිමියන්ගේ සංගමයේ සභාපතිවරයා පවසා ඇත්තේ පාන් සහ බනිස් ඇතුළු බේකරි නිෂ්පාදනවල මිල කිසිදු ආකාරයකින් අඩු කළ නොහැකි බවයි.

කොළඹ ජනතාවට සුභ ආරංචියක් - කොළඹ නගරයටම විදුලි බස් රථ වැඩසටහනක්

මේ අතර, වාර්ෂික බස් ගාස්තු සංශෝධනය ඊයේ (5) මධ්‍යම රාත්‍රියේ සිට ක්‍රියාත්මක වන බව ශ්‍රී ලංකා පෞද්ගලික බස් හිමියන්ගේ සංගමයේ සභාපති කෙමුණු විජේරත්න මහතා පවසා තිබේ. එසේම, රුපියල් 2,422 ක උපරිම බස් ගාස්තුව රුපියල් 480 කින් රුපියල් 2,902 දක්වා වැඩි කර ඇත.