රට රැකියාවක සිහින දකින ඔබ අනිවාර්යයෙන් සැලකිලිමත් විය යුතුමයි..
Piyumika
ඩුබායිහි රැකියා ලබාදෙන බව පවසා රුපියල් ලක්ෂ 18 ක මුදලක් වංචනිකව ලබා ගත් ගාල්ල ප්‍රදේශයේ පදිංචි තුන්දෙනෙකු මීගමුව විශේෂ අපරාධ විමර්ශන ඒකකයේ නිලධාරීන් හට අද (03) අත්අඩංගුවට ගැනීමට හැකි විය.
කුරණ, කටුනායක ප්‍රදේශයේ පදිංචි පවුලක සාමාජිකයන්ගෙන් ඔවුන් මුදල් වංචා කර ඇති බව සදහන් වේ. ඩුබායිහි රැකියාවක නිරත ශ්‍රී ලාංකික කාන්තාවක් විසින් අදාල මුදල ගාල්ල ප්‍රදේශයේ පදිංචි සිය හිතවතියකගේ ගිණුමකට බැර කරවා ගෙන තිබේ.
ඒ අනුව සිදු කළ විමර්ශවලට අනුව ඩුබායි රැකියාවක නිරතව සිටි සැකකාර කාන්තාව දිවයිනට පැමිණි අවස්ථාවේ ඇය චංචනිකව මුදල් බැර කර ගත් ගිණුම හිමි කාන්තාව සහ තවත් පුද්ගලයෙකු සමඟ අත්අඩංගුවට ගැනීමට හැකියාව ලැබී ඇත්තේ.
මේ අතර, ඩුබායි හා කටාර් රාජ්‍යවල රැකියා බලා දෙන බව පවසමින් දෙමටගොඩ ප්‍රදේශයේ පදිංචි තුන්දෙනෙකුගෙන් ලක්ෂ 8 කට අධික මුදලක් වංචා කළ එම ප්‍රදේශයේම පදිංචි කාන්තාවක් ද ඊයේ දිනයේදී අත්අඩංගුවට ගෙන ඇත .
