නිල සාරියකින් අප්සාරි - සමාජ මාධ්‍ය රඟදක්වයි!

හිටපු ශ්‍රී ලංකා ක්‍රිකට් ක්‍රීඩක හෂාන් තිලකරත්න මහතාගේ බිරිඳ වන අප්සාරි තිලකරත්න මහත්මිය, ශ්‍රී ලංකන් ගුවන් සේවයේ ගුවන් සේවිකාවක් ලෙස සේවය කළ සමයේ භාවිත කළ නිල සාරියකින් සැරසී, වෙබ් අඩවියකට සම්මුඛ සාකච්ඡාවක් ලබා දීම හේතුවෙන් මේ වන විට සමාජයේ කතාබහට ලක්ව ඇත.

අප්සාරි තිලකරත්න මහත්මිය වර්තමානයේ ශ්‍රී ලංකන් ගුවන් සේවයේ සේවයේ නොයෙදුණත්, එම ගුවන් සේවයට අයත් නිල ඇඳුමකින් මෙලෙස සම්මුඛ සාකච්ඡාවකට සහභාගී වීම විශේෂත්වයකි.

මේ පිළිබඳව අදහස් දක්වමින් ශ්‍රී ලංකන් ගුවන් සේවයේ ජ්‍යෙෂ්ඨ නිලධාරියෙකු පැවසුවේ, ශ්‍රී ලංකන් ගුවන් සේවයේ සියලුම සේවකයින්, ගුවන් සේවිකාවන් ඇතුළුව, සේවයෙන් ඉවත්වන විට හෝ විශ්‍රාම යන අවස්ථාවේදී තම නිල ඇඳුම් ඇතුළු සියලුම ආයතනික ආම්පන්න ආයතනය වෙත භාර දිය යුතු බවයි.

අද ලග්න පලාපල – 2025 ජූලි 11 | අද ලග්නය කියන රහස මෙන්න - ඔබත් පුදුම වෙයි

එම නිලධාරියා වැඩිදුරටත් සඳහන් කළේ, අප්සාරි මහත්මියගේ මෙම ක්‍රියාව ආයතනයේ නීතිවලට පටහැනි බැවින්, ඒ සම්බන්ධයෙන් නීතිමය පියවර ගැනීමට ශ්‍රී ලංකන් ගුවන් සේවය අපේක්ෂා කරන බවත්, ඒ සඳහා නීතිමය උපදෙස් විමසීමට සැලසුම් කර ඇති බවත්ය.

මෙම සිදුවීම ශ්‍රීලංකාව තුළ මෙන්ම සමාජ මාධ්‍ය ඔස්සේද පුළුල් ලෙස කතාබහට ලක්ව ඇති අතර, ආයතනික නීති රීතිවල වැදගත්කම සහ ඒවායේ බලපෑම පිළිබඳව සාකච්ඡාවක් ඇතිව තිබේ.

ප්‍රසිද්ධ නිළියකගේ මළසිරුර දින 20කට පසු නිවස තුළින් හමුවේ - සිරුර භාරගැනීම පවුලෙන් ප්‍රතික්ෂේප කරයි