"Apple ලෝලීන්ට නරක ආරංචියක්- iPhone 18 Pro නිෂ්පාදනය හදිසියේම 15%කින් කපාහරියි

මතක චිප් (Memory Chip) මිල ඉහළ යාම සහ ඒ හේතුවෙන් පාරිභෝගික ඉල්ලුම පහත වැටීම සැලකිල්ලට ගනිමින්, නවතම iPhone 18 Pro සහ iPhone 18 Pro Max මාදිලි සඳහා අවශ්‍ය උපාංග නිෂ්පාදනය අඩු කරන ලෙස Apple (AAPL.O) සමාගම සිය සැපයුම්කරුවන් කිහිප දෙනෙකුට දැනුම් දී ඇති බව Nikkei Asia වාර්තා කරයි.

එම වාර්තාවට අනුව, සැප්තැම්බර් මස මුල සිටම නිෂ්පාදන නැව්ගත කිරීම් සම්බන්ධයෙන් වඩාත් ප්‍රවේශම් සහගත ප්‍රතිපත්තියක් අනුගමනය කිරීමට Apple සමාගම පියවර ගෙන තිබේ.

ඔක්තෝබර් මාසය සඳහා මුලින් සැලසුම් කර තිබූ උපාංග ඇණවුම් ප්‍රමාණය අවම වශයෙන් සියයට 15කින් අඩු කර ඇති බව ද මේ පිළිබඳව දැනුමක් ඇති පුද්ගලයන් උපුටා දක්වමින් එම වාර්තාව සඳහන් කරයි. කෙසේ වෙතත්, මෙම වාර්තාව Reuters පුවත් සේවය විසින් ස්වාධීනව තහවුරු කරගෙන නොමැත

සාමාන්‍ය කාර්යාල වේලාවෙන් බැහැරව කළ විමසීමකට ද Apple සමාගම වහාම ප්‍රතිචාර දක්වා නොතිබිණි. AI දත්ත මධ්‍යස්ථාන හේතුවෙන් මතක චිප් මිල ඉහළට කෘත්‍රිම බුද්ධි (AI) තාක්ෂණය සඳහා වන දත්ත මධ්‍යස්ථාන පුළුල් කිරීමත් සමඟ තාක්ෂණික සමාගම් උසස් තත්ත්වයේ චිප් සහ මතක චිප් විශාල වශයෙන් මිලදී ගැනීම හේතුවෙන් ගෝලීය සැපයුමට දැඩි පීඩනයක් එල්ල වී තිබේ.

මෙම තත්ත්වය මත මතක චිප්වල මිල ඉහළ ගොස් ඇති අතර, පෞද්ගලික පරිගණක සහ ස්මාර්ට්ෆෝන් වෙළෙඳපොළ දෙකම මේ වසරේදී හැකිළෙනු ඇතැයි අපේක්ෂා කෙරේ. AI කර්මාන්තයේ දත්ත මධ්‍යස්ථාන ව්‍යාප්තිය හේතුවෙන් ඉහළ ගිය මතක සහ දත්ත ගබඩා චිප් (Storage Chip) පිරිවැය තවදුරටත් දරාගත නොහැකි බව පවසමින් Apple සමාගම පසුගිය ජූනි මාසයේදී iPad සහ MacBook නිෂ්පාදනවල මිල ගණන් ඉහළ නැංවීමට ද පියවර ගෙන තිබිණි.

iPhone 18 Pro මාදිලිවල මිලත් ඉහළට Nikkei Asia වාර්තාවට අනුව, අගෝස්තු මස අග භාගයේ සිට ඔක්තෝබර් මාසය දක්වා කාලය තුළ Apple උපාංග සඳහා පාරිභෝගික ඉල්ලුම මන්දගාමී වී තිබේ. කෙසේ වෙතත්, එම තත්ත්වයට Apple සමාගම සිය iPhone මාදිලි හඳුන්වා දෙන කාලසටහනේ සිදුකළ වෙනස්කම් ද බලපා තිබිය හැකි බව වාර්තාව පෙන්වා දෙයි.

Apple සමාගම පසුගිය මාසයේදී සිය නවතම ප්‍රධානතම ස්මාර්ට්ෆෝන් මාදිලි හඳුන්වා දුන් අතර, ඊට iPhone 18 Pro, iPhone 18 Pro Max සහ Duo නමැති නැමිය හැකි දුරකථන මාදිලියක් ද ඇතුළත් වූ බව වාර්තා වේ. iPhone 18 Pro මාදිලියේ ආරම්භක මිල අමෙරිකානු ඩොලර් 1,199ක් වන අතර, iPhone 18 Pro Max මාදිලියේ ආරම්භක මිල ඩොලර් 1,299කි.

එය පෙර පරම්පරාවේ iPhone 17 Pro සහ iPhone 17 Pro Max මාදිලිවල ආරම්භක මිලට සාපේක්ෂව ඩොලර් 100ක වැඩිවීමකි. AI විශේෂාංග හමුවේ සැපයුම්කරුවන්ගේ වැදගත්කම ඉහළට iPhone ඇතුළු සිය නිෂ්පාදන සඳහා තවදුරටත් AI විශේෂාංග එක් කිරීමට Apple සමාගම කටයුතු කිරීමත් සමඟ ඉහළ කාර්යසාධනයක් සහිත මතක චිප් සඳහා වන ඉල්ලුම ද ඉහළ ගොස් තිබේ.

එහෙත්, ගෝලීය වශයෙන් මතක චිප් සැපයුම සීමා වී ඇති පසුබිමක මෙම ඉල්ලුම සපුරාලීම සමාගමට අභියෝගයක් වී ඇත. ඒ හේතුවෙන් අවශ්‍ය උපාංග අඛණ්ඩව සපයාගැනීම සඳහා සැපයුම්කරුවන් සමඟ පවත්වාගෙන යන සම්බන්ධතා සහ ඔවුන්ගේ නිෂ්පාදන ධාරිතාව Apple සමාගමට වඩාත් උපායමාර්ගික වැදගත්කමක් ගෙන තිබේ.

''ගඟෙන් අහසට නැඟුණු දැවැන්ත ජල කුළුණක් වැනි දුර්ලභ දසුනක් කැමරාවේ සටහන් වෙයි'' - චීනයේ “ජලය උරා බොන මකරා”

දිස්ත්‍රික්ක පහක ජනතාවට තම ප්‍රදේශයෙන්ම යතුරුපැදි ලියාපදිංචි කිරීමේ පහසුකම