හිටපු ජනපති මහින්ද හා ශිරන්ති අනුදි වෙනුවෙන් කළ දේ

මේ වන විට 72 වැනි විවාහක රූප රාජණීය තරගාවලිය වෙනුවෙන් ශ්‍රී ලංකාව නියෝජනය කරමින් සහභාගී වීමට නියමිතව සිටින්නේ අනුදි ගුණසේකරයි. ඇයගේ ජයග්‍රහණය වෙනුවෙන් මුළු ලෝකයක් බලා සිටින අවස්ථාවක අනුදිට සුබ පතන්න බොහෝ දෙනෙක් එකතුවෙලා සිටියා.

විදුලිය බිඳ වැටීම ගැන පැමිණිලි ඉහළට

ඒ අතරින් හිටපු ජනපති මහින්ද රාජපක්ෂත් සහ ශිරන්ති රාජපක්ෂ යන දෙදෙනාත් ඇය වෙනුවෙන් සුභපැතුම් පණිවිඩයක් එකතු කරලා තිබුණේ පහත ආකාරයටයි.

වැරදි පුරුද්දක් නිසා හෘදයාබාධ අවදානම්... කොල්ලොනේ පරිස්සමින්

"ලෝකයම පුදුමයට පත්කළ ලෝක උරුමයක් ලෙස සැලකෙන අනුරාධපුරයෙන්, ලොවක් ඉදිරියට යමින් මුළු රටක් ආඩම්බරයට පත් කළ අනුදි ගුණසේකර දියණියට මා ද බිරිඳ ශිරන්ති ද සුබ පැතුම් පිරිනමමු. 72වැනි ලෝක රූ රැජින තරගාවලියේ අභියෝගාත්මක වට රැසකට මුහුණ දෙමින් ගෝලීය වේදිකාවේ ශ්‍රී ලංකාව ඉහළින්ම ඔසවා තැබූ ඔබ මේ වන විටත් ඔබේ මව් රටත්, ශ්‍රී ලාංකික අප සැමවත් දිනවා අවසන් බව මගේ හැඟීමයි.

'සහේලි පදනම' හරහා කාන්තාවන් සවි බල ගන්වමින්, සංවේදී මෙන්ම මානුෂීය සමාජයීය කරුණු සම්බන්ධයෙන් ඔබේ කැපවීම ඉතා ප්‍රශංසනීය බව කිව යුතුය. දියණියකගේ අගය මම හොඳින් දනිමි. මේ රටේ වගකිවයුතු මුල් පුරවැසියෙකු ලෙසින් රටේම දියණි වරුන් වෙනුවෙන් මට හැකි උපරිමයෙන් කටයුතුකර ඇතැයි මා විශ්වාස කරනවා. රූපයෙන් ද, බුද්ධියෙන් ද, මානුෂීය ගුණාංගයන්ගෙන් ද පරිපූර්ණ ශ්‍රී ලාංකික දියණියකගේ ශක්තිමත් පෞරුෂයෙන් හා සුන්දරත්වයෙන් යුතුව අවසන් වටය සඳහා මුහුණ දෙමින් ලෝක රූ රැජින කිරුළ දිනා ගැනීමට හැකි වේවායි ආදරණීය පියෙකු ලෙස සෙනෙහසින් මම ප්‍රාර්ථනා කරමි.

ඔබ අනුදි ගුණසේකර පමණක් ම නොවේ. ඔබ අරමුණ අත්නොහරිමින් සිහින හඹා යන මේ රටේ සියලුම දියණි වරුන්ගේ ද, අභියෝග වලට නොසැලී මුහුණ දෙන ශ්‍රී ලාංකික සැමගේ ද නියෝජනයයි. අද ලෝකය ම ඉදිරියේ ශ්‍රී ලංකා ධජය නියෝජනය කරන්නේ ද ඔබයි. අනුදි ගුණසේකර දියණිය දෙස ශ්‍රී ලාංකික අප සැම විශ්වාසයෙන් හා සතුටින් යුතුව බලා සිටිමු. ඔබට තෙරුවන් සරණයි."