"2045දීත් ෂාරුක් ඛාන් ජනප්‍රියව සිටීද" - අනු කපුර්ගෙන් ෂාරුක්ගේ ජනප්‍රියත්වය ගැන අභියෝගාත්මක ප්‍රකාශයක්

ෂාරුක් ඛාන් 2045 වන විටත් ප්‍රේක්ෂකයන් අතර එකසේ අදාළත්වය රඳවා ගනීවිද යන්න පිළිබඳව ප්‍රවීණ නළු අනූ කපූර් සැක පළ කර තිබේ.

ෂාරුක් ඛාන් මීට වසර කිහිපයකට පෙර තමන් “අවසන් සුපිරි තරුව” ලෙස හැඳින්වූ ප්‍රකාශය සම්බන්ධයෙන් අදහස් දක්වමින් අනූ කපූර් පවසා ඇත්තේ ඉන්දීය සිනමාවේ දශක ගණනාවක් පුරා ජනප්‍රියත්වය පවත්වා ගැනීමට සමත් වූ තරු ඉතා සීමිත බවයි.

හින්දි රෂ් සමඟ පැවති සම්මුඛ සාකච්ඡාවකදී ඔහු සඳහන් කළේ රාජේෂ් ඛන්නා, අමිතාබ් බච්චන්, ලතා මංගේෂ්කර් සහ ආශා බෝස්ලේ වැනි දිගුකාලීන වෘත්තීය ගමන් ඇති පුද්ගලයන්ට සමාන වීමට බොහෝ දෙනෙකුට නොහැකි වී ඇති බවයි.

විජයගේ ‘ජන නායගන්’ සිනමා පටයට චෙන්නායි රසිකයින්ගෙන් උණුසුම් ප්‍රතිචාර

ෂාරුක් ඛාන්ගේ සිනමා ගමන පිළිබඳව අදහස් දක්වමින් අනූ කපූර් පැවසුවේ ඔහු 1992 වසරේදී පමණ සිනමාවට පැමිණ ඇති බවත්, එය වසර 34කට ආසන්න කාලයක් වන බවත්ය.

ඔහු පෙන්වා දුන්නේ අමිතාබ් බච්චන්ගේ දශක පහකට වැඩි වෘත්තීය ගමන සමඟ සැසඳීමේදී ෂාරුක් ඛාන්ට තවත් දිගු කාලයක් එකම මට්ටමේ ජනප්‍රියත්වය පවත්වා ගැනීම අභියෝගයක් විය හැකි බවයි.

“2045දීත් ඔහු ජනප්‍රියව සිටීවිද? මම එසේ සිතන්නේ නැහැ” යන අදහස අනූ කපූර් පළ කළේය. කෙසේ වෙතත්, ෂාරුක් ඛාන් ලෝකයේ ධනවත්ම නළුවන් අතර ඉහළ ස්ථානයක සිටීම ප්‍රතික්ෂේප කළ නොහැකි කරුණක් බවද ඔහු සඳහන් කළේය

1995 වසරේ යෂ් චොප්රාගේ Darr චිත්‍රපටයේ ෂාරුක් ඛාන් සමඟ රඟපෑ අත්දැකීම පිළිබඳව විමසූ විට අනූ කපූර් පැවසුවේ එම කාලයේදී ෂාරුක් නවක නළුවෙකු වූ බවත්, එම අවස්ථා පිළිබඳව පැහැදිලි මතකයක් නොමැති බවත්ය.

Welcome to the Jungle නිසා බොලිවුඩයම හෙල්ලෙයි- සුපිරි තරු ගොඩක් එක්ක කොමඩි රැල්ල ආයෙත් එයිද?