අල්වාරස්ගේ සුපිරි ගෝලයෙන් මෙසී ප්‍රමුඛ ආජන්ටිනාව සුපිරි හතරට

ලයනල් මෙසීගේ නායකත්වයෙන් යුත් ආර්ජන්ටිනාව 2026 ලෝක කුසලාන අර්ධ අවසන් පූර්ව තරගයේදී ස්විට්සර්ලන්තය 3-1ක් ලෙස පරාජය කරමින් අවසන් පූර්ව වටයට පිවිසියේය.

ජයග්‍රහණය තහවුරු කළේ අමතර කාලයේදී ජුලියන් අල්වාරස් වාර්තා කළ විශිෂ්ට ගෝලයකිනි. කැන්සාස් නගරයේ පැවති තරගයේදී ආර්ජන්ටිනාව 10 වැනි මිනිත්තුවේදී පෙරමුණ ගත්තේ ඇලෙක්සිස් මැක් ඇලිස්ටර්ගේ හිසින් ලබාගත් ගෝලයෙනි. එම අවස්ථාවට ලයනල් මෙසීගේ පන්දුව සැපයීම වැදගත් විය.

හලන්ගේ සිහිනය බිඳ වැටෙයි – එංගලන්තය විසින් නෝර්වේ තරගාවලියෙන් ඉවතට ඇද දමයි

කෙසේ වෙතත්, දෙවන අර්ධයේදී ස්විට්සර්ලන්තය නැවත තරගයට පිවිසියේ ඩෑන් න්දොයේ වාර්තා කළ ගෝලයත් සමඟිනි. ඒ අනුව නියමිත කාලය අවසන් වූයේ 1-1ක් ලෙස සම තත්ත්වයෙන්ය. අමතර කාලයේදී ආර්ජන්ටිනාව තීරණාත්මක අවස්ථාව ලබා ගත්තේය.

112 වැනි මිනිත්තුවේදී ජුලියන් අල්වාරස් දුර සිට එල්ල කළ පහරකින් ගෝලයක් ලබා ගනිමින් කණ්ඩායම නැවත පෙරමුණට ගෙන ගියේය. තරගයේ අවසන් මොහොතේදී ලවුටාරෝ මාර්ටිනස් තවත් ගෝලයක් වාර්තා කරමින් ආර්ජන්ටිනාවේ ජය 3-1ක් ලෙස තහවුරු කළේය.

මෙම ජයග්‍රහණයත් සමඟ ආර්ජන්ටිනාව අවසන් පූර්ව වටයේදී එංගලන්තය හමුවීමට නියමිතය.

ස්පාඤ්ඤය බෙල්ජියම පරදා අවසන් පුර්ව වටයට - ප්‍රංශය ඉදිරියේ ප්‍රබල ගැටුමක්