ඉන්දීය සුපිරි රංගන ශිල්පිණියක් ගුවන්තොටු පොලට පැමිණීමෙන් දැඩි උණුසුම් තත්ත්වයක්..(PHOTOS)
Aruna
ඉන්දීය සුපිරි රංගන ශිල්පිනී රම්බා යාපනයට පැමිණීමත් සමගම ඇගේ රසික රසිකාවියන් විශාල පිරිසක් ඇයව දැකීමට යාපනය ජාත්‍යන්තර ගුවන් තොටුපලට පැමිණීම නිසා ගුවන් තොටුපල අසල දැඩි නොසන්සුන්කාරී තත්ත්වයක් ඇති වූ බවට තොරතුරු වාර්තා වනවා.
රම්බාට මල් කළඹවල් පිලිගැන්වීම සදහාත් ඇයව දකීමටත් ඇය සමග සෙල්ෆි ඡායාරූප ගැනීමටත් විශාල පිරිසක් ගුවන් තොටුපල පර්යන්තයට අතුලුවීමට උත්සාහ කිරීම නිසා ඇති වූ නොසන්සුන් තත්ත්වය පාලනය කිරීම පිණිස පොලිස් බල ඇණි කීපයක්ද යෙදවීමට සිදුවූ බවටයි තොරතුරු වාර්තා වන්නේ.
ඔවුන්ගේ වියදමින් යාපනයේ පවත්වා ගෙන යන පෞද්ගලික විශ්ව විද්‍යාලයක උපාධි හා ඩිප්ලෝමා සහතික ප්‍රදානය කිරීමේ උත්සවයට සහභාගී වීම පිණිස, ඉන්දියාවේ සිට පෞද්ගලික ගුවන් යානයකින් රම්බා හා ඇගේ සැමියාද තවත් කීප දෙනෙකුද යාපනයට පැමිණ තිබේ.
යාපනයේ උපන් රම්බාගේ ස්වාමියාගේ උපන් දිනයද මේ සතියේ යාපනයේදී සැමරීමට රම්බා හා ඇගේ සැමියා බලාපොරොත්තුවෙන් සිටින බවයි පැවසෙන්නේ.
පසුගිය වසරේ පෙබරවාරී 09 වෙනිදා ඉන්දීය සුපිරි ගායක හරිහරන්ගේ ප්‍රධානත්වයෙන් පැවති මහා සංගීත රාත්‍රියකට රම්බා පැමිණ නර්තනයක් ඉදිරිපත් කරමින් සිටියදී යාපනයේ රසික රසිකාවියන් වේදිකාව දෙසට යාමට උත්සහ කිරීම නිසා විශාල කලබලයක් ඇති වූ අතර ඒ හේතුව මත ප්‍රසංගය අවලංගු කිරීමටද සංවිධායකවරුන්ට සිදුවිය.
ඒ අවස්ථාවේදී කුපිත වූ පිරිසක් වේදිකාවේ හා අවට තිබූ හාණ්ඩ වලට පහර දීම නිසා රුපියල් ලක්ෂ ගණනක පාඩුවක් සිදු වූ අතර නව දෙනෙකු පොලිස් අත් අඩංගුවට ගත් බවයි පැවසෙන්නේ.
