ලබන මාසයේ සිට රජය භාණ්ඩ වර්ග 97කට කරන්න යන දේ මෙන්න..
Aruna
ලබන වසරේ ජනවාරි මාසයේ සිට එකතු කළ අගය මත බද්ද (වැට්) අය කෙරෙන භාණ්ඩ ලැයිස්තුව යළි සලකා බැලීමට රජය විවෘත බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.
බ්‍රහස්පතින්දා (දෙසැ 07) පාර්ලිමේන්තුව අමතමින් රාජ්‍ය අමාත්‍ය සියඹලාපිටිය පැවසුවේ අයිතම 138 න් 97 ක් ඇතුළත් කිරීම නැවත තක්සේරු කිරීමට රජය සූදානම් බවයි.
යෝජිත වැට් බදු නිදහස් කිරීම් ඉවත් කිරීම සම්බන්ධයෙන් විවිධ පාර්ශ්ව විසින් මතු කරන කනස්සල්ල පිළිබඳව සලකා බැලීමට රජය විවෘත බව ඔහු වැඩිදුරටත් පැවසීය.
වැට් බද්දෙන් නිදහස් භාණ්ඩ ලැයිස්තුව සංශෝධනය කිරීම තුළින් රජය රුපියල් බිලියන 378ක ආදායමක් උපයා ගැනීමට අපේක්ෂා කරන බව රාජ්‍ය අමාත්‍යවරයා අනාවරණය කළේය.
ඔහු මේ බව ප්‍රකාශ කළේ දේශීය ආහාර නිෂ්පාදනය වැට් බදු ක්‍රමයට ඇතුළත් කිරීමට ගත් තීරණය සම්බන්ධයෙන් මතු වූ ගැටලුවලට පිළිතුරු දෙමිනි.
2024 ජනවාරි 01 වැනිදා සිට ක්‍රියාත්මක වන පරිදි රජය වැට් බද්ද සියයට 3 සිට සියයට 18 දක්වා වැඩි කර ඇත.
අධ්‍යාපනය, සෞඛ්‍ය සේවා සහ ඇතැම් අත්‍යවශ්‍ය ආහාර ද්‍රව්‍ය හැර වැට් බදු නිදහස් කිරීම් ඉවත් කිරීමට ද යෝජනා වී තිබේ.
